హైదరాబాద్ బుక్ ఫెయిర్ ను సందర్శించిన దిశ పత్రిక ఎండీ

దిశ, రాంనగర్ : ముషీరాబాద్, ఎన్టీఆర్ గార్డెన్ లో నిర్వహిస్తున్న హైదరాబాద్ 37 వ బుక్ ఫెయిర్ ను గురువారం దిశ పత్రిక ఎండీ మోహన్ రావు సందర్శించారు. హైదరాబాద్ బుక్ ఫెయిర్ అధ్యక్షులు కవి యాకూబ్, ఉపాధ్యక్షులు బాల్ రెడ్డి ఆయనకు సాదర స్వాగతం పలికారు. ఈ సందర్భంగా హైదరాబాద్ బుక్ ఫెయిర్ నిర్వాహనను ఆయన అభినందించారు. అనంతరం దిశ పత్రిక స్టాలతో పాటుగా పలు బుక్ స్టాళ్లను సందర్శించి పుస్తకాలను కొనుగోలు చేశారు. ఈ కార్యక్రమములో వీక్షణ సంపాదకులు ఎన్. వేణు గోపాల్, దిశ పత్రిక ఎడిటర్ మార్కండేయ, అడ్మిన్ మేనేజర్ సురేష్ శర్మ, అడ్వర్టైజ్ మేనేజర్ ప్రదీప్, సిబ్బంది సంపత్ రెడ్డి, సంగీత పలువురు పాల్గొన్నారు.