దేశ ప్రజలకు సీఎం కేసీఆర్ మహా శివరాత్రి శుభాకాంక్షలు

దిశ, వెబ్‌డెస్క్: దేశ ప్రజలకు ముఖ్యమంత్రి కేసీఆర్ మహా శివరాత్రి శుభాకాంక్షలు తెలియజేశారు. ఆధ్యాత్మిక కార్యక్రమాలు ఆత్మశుద్ధిని, పరివర్తనను కలిగిస్తాయని అన్నారు. శివరాత్రి పర్వదినాన ఆ మహా శివుడి కరుణాకటాక్షాలు దేశ ప్రజలపై ఉండాలని ఆకాంక్షించారు. కాగా, తెలంగాణ రాష్ట్ర వ్యాప్తంగా శివరాత్రి పర్వదినాన్ని అత్యంత భక్తిశ్రద్ధలతో ఘనంగా నిర్వహించేందుకు అధికారులు భారీ ఏర్పాట్లు చేశారు. శివాలయాలు ఇప్పటికే విద్యుత్ దీపాల కాంతులతో మెరిసిపోతున్నాయి. అన్ని శివాలయాల్లో భక్తుల సౌకర్యార్థం భారీగా ఏర్పాట్లు చేశారు. తెల్లవారుజాము నుంచే భక్తుల సందడి నెలకొనడంతో ఆలయాల్లో ఉపవాస దీక్షల్లో ఉండే భక్తుల కాలక్షేపం నిమిత్తం పలు భక్తి కార్యక్రమాలను నిర్వహిస్తున్నారు.