BREAKING: నగరంలో పలుచోట్ల ఎస్వోటీ పోలీసుల తనిఖీలు.. రూ.98 లక్షల నగదు స్వాధీనం
దిశ, వెబ్‌డెస్క్: లోక్‌సభ ఎన్నికల నోటిఫికేషన్ విడుదలైన నాటి నుంచి దేశ వ్యాప్తంగా ఎన్నికల కోడ్ అమల్లోకి వచ్చింది. ఈ నేపథ్యంలో రాష్ట్ర వ్యాప్తంగా పోలీసులు సరిహద్దులతో పాటు ప్రధాన చెక్‌పోస్టుల వద్ద విస్తృతంగా తనిఖీలు చేపడుతున్నారు. నేతలు ఓటర్లను డబ్బు, మద్యం, ఇతర వుస్తువలతో ప్రలోభాలకు గురి చేయకుండా రాత్రింబవళ్లు పకడ్బందీగా పహారా కాస్తున్నారు. ఈ క్రమంలోనే ఇవాళ నగరంలోని మేడ్చల్, శామీర్‌పేట, దుండిగల్లో సైబరాబాద్ ఎస్వోటీ పోలీసులు ముమ్మరంగా వాహనాల తనిఖీల చేపట్టారు. ఈ తనిఖీల్లో బ్యాంకులకు నగదును తీసుకెళ్లే రెండు వాహనాల నుంచి నగదును స్వాధీనం చేసుకున్నారు. బ్యాంకులకు నగదు చేరవేస్తున్నామని సిబ్బంది చెప్పినా.. సరైన క్యూ ఆర్ కోడ్‌లు లేకుండా డబ్బు తీసుకెళ్తున్నందుకు సీజ్ చేసినట్లుగా ఎస్వోటీ పోలీసులు తెలిపారు.
Advertisement
Next Story
