ఆదిలాబాద్ లో తొలి ట్రిపుల్ తలాక్ కేసు నమోదు

దిశ, ఆదిలాబాద్ : ఆదిలాబాద్ జిల్లాలోనీ ఆదిలాబాద్ పట్టణంలో శనివారం తొలి ట్రిపుల్ తలాక్ కేసు నమోదయింది.కే ఆర్ కే కాలనీకి చెందిన జాస్మిన్ కు 2017 అబ్దుల్ తో వివాహం జరిగింది. గత కొంతకాలంగా భార్యాభర్తల మధ్య తరచూ గొడవలు జరుగుతున్నాయి. గత సంవత్సరం ఫిబ్రవరి నెలలో కూడా భర్త అబ్దుల్ అతిక్ పై హరాస్మెంట్ కేసు నమోదు చేయడం జరిగిందని మహిళా పోలీస్ స్టేషన్ సీఐ శ్రీనివాస్ పేర్కొన్నారు. శనివారం మహిళ ఇచ్చిన ఫిర్యాదు మేరకు అబ్దుల్ అతిక్ పై ట్రిపుల్ తలాక్ కేసు నమోదు చేసినట్లు ఆయన పేర్కొన్నారు.