మతాలకతీతంగా పండుగలు జరుపుకోవాలి

దిశ, ఆదిలాబాద్ : అన్ని కులమతాలకు ప్రత్యేకంగా నిలిచే మన దేశంలో అన్ని పండుగలు మతాలకతీతంగా జరుపుకోవాలని ఆదిలాబాద్ జిల్లా కలెక్టర్ రాజర్షి షా అన్నారు. బుధవారం మైనార్టీ వెల్ఫేర్ ఆధ్వర్యంలో స్థానిక రాయల్ పాలేస్ సాత్నాలలో ఏర్పాటు చేసిన ఇఫ్తార్ విందులో జిల్లా కలెక్టర్​ రాజర్షి షా, అదనపు కలెక్టర్ శ్యామలాదేవి, రెవెన్యూ డివిజనల్ అధికారి తదితరులు పాల్గొన్నారు.

ఈ సందర్భంగా జిల్లా కలెక్టర్ మాట్లాడుతూ అన్ని కులాలకు మతాలకు భారతదేశం ఒక కేంద్ర బిందువుగా పిలవబడుతుందన్నారు. ఈ దేశంలో ప్రతి ఒక్కరూ అన్ని మతాలను కులాలను గౌరవించాల్సిన అవసరం ఉందని పేర్కొన్నారు. అధికారికంగా మైనార్టీ వెల్ఫేర్ ఆధ్వర్యంలో నిర్వహించిన ఇఫ్తార్ విందు కార్యక్రమంలో పాల్గొన్న ముస్లింలు, ప్రజా ప్రతినిధులు, అధికారులకు ముందస్తుగా రంజాన్ శుభాకాంక్షలు తెలియజేశారు.