కాగజ్నగర్లో బస్సు డిపో ఏర్పాటు చేయాలి

దిశ, బెజ్జూర్ : కాగజ్నగర్ పట్టణంలో ఆర్టీసీ బస్సు డిపో ఏర్పాటు చేయాలని సిర్పూర్ టీ ఎమ్మెల్యే డాక్టర్ పాల్వాయి హరీష్ బాబు అన్నారు. మంగళవారం రాష్ట్ర అసెంబ్లీలో కాగజ్ నగర్ బస్ డిపో విషయమై అసెంబ్లీలో ప్రస్తావించారు. కాగజ్నగర్ పట్టణంలో బస్సు డిపో కోసం స్థలం అణువుగా ఉందని బస్సు డిపోను కచ్చితంగా ఏర్పాటు చేయాలని కోరారు.

బస్సు డిపో ఏర్పాటు చేయని పక్షంలో స్థలం అన్యక్రాంతమయ్యే ప్రమాదం ఉందని, ప్రభుత్వం స్పందించి బస్సు డిపోను వెంటనే ఏర్పాటు చేయాలని డిమాండ్ చేశారు. కాగజ్నగర్ పట్టణం పారిశ్రామిక ప్రాంతం కావడంతో బస్సు డిపో కచ్చితంగా ఈ ప్రాంతానికి అవసరం ఉందని తెలిపారు. సిర్పూర్ నియోజకవర్గంలో గిరిజనులు అధికంగా ఉండడం వల్ల ఈ ప్రాంతానికి బస్సు డిపో కచ్చితంగా అవసరం ఉందన్నారు. గతంలో ఈ విషయమై రాష్ట్ర మంత్రికి లేఖ అందజేసినట్లు తెలిపారు.