SSC Stenographer Key: ఎస్‌ఎస్‌సీ స్టెనోగ్రాఫర్ ప్రిలిమినరీ కీ విడుదల.. అభ్యంతరాలకు డిసెంబర్ 18 వరకు గడవు..!
దిశ, వెబ్‌డెస్క్: దేశవ్యాప్తంగా వివిధ మంత్రిత్వ శాఖల్లో ఖాళీగా ఉన్న స్టెనోగ్రాఫర్(Stenographer) పోస్టులకు స్టాఫ్ సెలక్షన్ కమిషన్(SSC) గత జులై నెలలో నోటిఫికేషన్(Notification) విడుదల చేసిన విషయం తెలిసిందే. ఈ రిక్రూట్‌మెంట్‌ ద్వారా మొత్తం 2006 స్టెనోగ్రాఫర్ గ్రేడ్-సీ(గ్రూప్ బీ, నాన్ గెజిటెడ్‌), స్టెనోగ్రాఫర్ గ్రేడ్-డీ (గ్రూప్ సీ) ఉద్యోగాలను భర్తీ చేయనున్నారు. ఈ పోస్టుల భర్తీకి డిసెంబర్ 10, 11వ తేదీల్లో పరీక్షలను నిర్వహించారు. కంప్యూటర్ బేస్డ్ టెస్ట్(CBT), స్టెనోగ్రఫీలో స్కిల్ టెస్ట్(Skill Test) ఆధారంగా అభ్యర్థులను ఎంపిక చేస్తారు. ఇదిలా ఉంటే.. ఈ నియామక పరీక్షలకు సంబంధించి రెస్పాన్స్ షీట్(Response Sheet), ప్రిలిమినరీ కీ(Preliminary key)ని ఎస్‌ఎస్‌సీ తాజాగా విడుదల చేసింది. అభ్యర్థులు ఎస్‌ఎస్‌సీ అధికారిక వెబ్‌సైట్‌ https://ssc.gov.in/ ద్వారా తమ రూల్ నంబర్(Roll No), పాస్ వర్డ్(Password) డీటెయిల్స్ ఎంటర్ చేసి రెస్పాన్స్ షీట్ డౌన్ లోడ్ చేసుకోవచ్చు. కీ పై ఏమైనా అభ్యంతరాలు(Objections) ఉంటే డిసెంబర్ 16 నుంచి 18 లోపు తెలియజేయాలని ఎస్‌ఎస్‌సీ సూచించింది.
