బీసీసీఐ హెడ్ కోచ్ ఎంపికలో ట్విస్ట్.. చివరి నిమిషంలో తెరపైకి మరో పేరు
దిశ, వెబ్‌డెస్క్: భారత సీనియర్ ప్లేయర్ అయిన రాహుల్ ద్రావిడ్ బీసీసీఐ ప్రధాన హెడ్ కోచ్ స్థానంలో మరొకరిని తీసుకునేందుకు ఇప్పటికే ప్రక్రియ మొదలైంది. ఇందులో భాగంగా బీసీసీఐ ఆసక్తి ఉన్న వారి నుంచి అప్లీకేషన్లను తీసుకుని ఒక్కొక్కరిగా అందరిని ఎలిమినేట్ చేస్తు వచ్చింది. ఈ క్రమంలో భారత మాజీ ప్లేయర్ అయిన గౌతమ్ గంభీర్ బీసీసీఐ హెడ్ కోచ్ గా దాదాపు ఖరారు అయినట్లు వార్తలు వచ్చాయి. కానీ చివరి నిమిషంలో డబ్ల్యువి రామన్‌ను ఇంటర్వ్యూ చేసినట్లు తెలుస్తుంది.
కాగా గౌతమ్ గంభీర్, డబ్ల్యు వి రామన్ ఇద్దరు భారత జట్టుకు ప్రాతినిధ్యం వహించిన వారు కావడంతో వారి నైపుణ్యాన్ని బట్టి ఇద్దరినీ లేదా ఇద్దరిలో ఒకరిని హెడ్ కోచ్ గా ఎంపిక చేసే అవకాశం ఉన్నట్లు తెలుస్తోంది. అయితే ముందు నుంచి హెడ్ కోచ్ పదవికి ముందు వరుసలో ఉన్న గౌతమ్ గంభీర్ తన సహాయక సిబ్బందికి సంబంధించిన కొన్ని డిమాండ్లను కలిగి ఉన్నాడు. ఒకవేళ గంభీర్ భారత క్రికెట్ జట్టుకు హెడ్ కోచ్ గా ఎన్నికైతే కోల్‌కతా నైట్ రైడర్స్‌కు పరిస్థితి ఎంటనే ప్రశ్నలు తలెత్తున్నాయి. 2024 ఐపీఎల్‌లో కలకత్తా జట్టు గంభీర్ సారధ్యంలో టైటిల్ గెలుచుకుంది.
