శిల్పా శెట్టికి 15తో ప్రత్యేక అనుబంధం…

శిల్పా శెట్టి… హీరోయిన్ గా బాలీవుడ్ ను ఏలిన ఈ భామ… ఇప్పుడు సోషల్ మీడియాను ఏలుతోంది. ఫిబ్రవరి 15న తన కూతురు జన్మించడం తో చాలా హ్యాపీగా ఉన్న శిల్పా…. తనకు 15 అనే నంబర్ తో చాలా అనుబంధం ఉందని తెలుపుతూ ఇన్ స్టగ్రామ్ లో ఒక వీడియో పోస్ట్ చేసింది. తన బిడ్డ సమిషా పుట్టి ఏప్రిల్ 15 కు రెండు నెలలు కావడంతో తనతో ఆడుకుంటున్న ఫోటోను షేర్ చేసింది. అంతే కాదు ఇదే రోజున టిక్ టాక్ లో తన ఫాలోవర్స్ సంఖ్య 15 మిలియన్లకు చేరడం పై ఆనందం వ్యక్తం చేసింది. మీరు నాపై కురిపిస్తున్న ప్రేమ, అభిమానాలు వెలకట్టలేనివని ధన్యవాదాలు తెలిపింది. అది కూడా 15 తారీఖున 15 మిలియన్ల కుటుంబాన్ని పొందడం అదృష్టంగా భావిస్తున్నానన్న శిల్పా … మీ ఆశీర్వాదాలు, ఆశీస్సులు ఇలాగే జీవితాంతం ఉండాలని కోరింది.

కాగా ఈ వీడియోలో శిల్పా తన కూతురి ఫేస్ కనిపించకుండా చాలా జాగ్రత్తలు పడింది. కానీ లైట్ పింక్ డ్రెస్ లో… లైట్ పింక్ హేర్ బ్యాండ్ తో షమీషా శెట్టి కుంద్రా చాలా క్యూట్ గా ఉంది.