మహానటికి క్యూట్ బేబీ ప్రశంసలు..

సినిమా ఇండస్ట్రీ‌లో పాజిటివ్ వైబ్రేషన్స్ కనిపిస్తున్నాయి. యంగ్ హీరోలు, హీరోయిన్లు ఈగోలకు పోకుండా.. ఒకరి చిత్ర ప్రమోషన్‌కు మరొకరు రావడం, వారి నటనను ప్రశంసించడం చూస్తూనే ఉన్నాం. మంచి సినిమా ఏ భాషలో వచ్చినా, ఎవరు బాగా నటించినా.. సెలబ్రిటీలంతా మెచ్చుకుంటున్నారు. తాజాగా పెంగ్విన్ చిత్రంలో కీర్తి సురేశ్ నటనకు రష్మిక మందన్నా ప్రశంసలు కురిపించింది.

మహానటి ఫేమ్ కీర్తి సురేష్ నటించిన ‘పెంగ్విన్’ చిత్రం ఇటీవలే అమెజాన్ ప్రైమ్‌లో విడుదలైన విషయం తెలిసిందే. ప్రస్తుతం ఈ సినిమా నెటిజన్లను అలరిస్తుండగా.. కీర్తీ నటనకు ప్రశంసలు కురుస్తున్నాయి. ఇటీవలే ఈ సినిమా చూసిన టాలీవుడ్ క్యూట్ హీరోయిన్ రష్మిక.. సినిమాలో కీర్తీ నటనకు ప్రశంసలు కురిపిస్తూ ఇన్‌స్టాలో పోస్ట్ పెట్టింది. ‘రాత్రి పెంగ్విన్ చూశాను.. ఎప్పటిలానే ఈ చిత్రంలోనూ నువ్వు అద్భుతంగా నటించావు. ఆపద సమయంలో సైరస్ ( సినిమాలో కీర్తీ సురేష్ పెంపుడు కుక్క) కుటుంబాన్ని రక్షించడం బాగుంది. ఈ సినిమా తల్లులందరికీ సంబంధించిందని కచ్చితంగా చెప్పగలను.. డైరెక్టర్ ఈశ్వర్, ప్రొడ్యూసర్ కార్తిక్ సుబ్బరాజు సర్.. అందరికీ అభినందనలు’ అంటూ తెలిపింది.

https://www.instagram.com/p/CBvN0fOpgvF/