ఎమ్మెల్యేకు రాఖీ కట్టిన.. ముస్లిం మహిళలు

దిశ, ముషీరాబాద్: అన్నాచెల్లెళ్ల అనుబంధానికి ప్రతీక రక్షా బంధన్ అని ముషీరాబాద్ ఎమ్మెల్యే ముఠా గోపాల్ అన్నారు. రాఖీ పౌర్ణమి సందర్భగా బోలాక్‌పూర్‌లోని రంగానగర్‌బడి మసీదు దగ్గర ముస్లిం సోదరీమణులు ఎమ్మెల్యే ముఠా గోపాల్‌కు ఆప్యాయతతో రాఖీ కట్టారు. ఈ సందర్భంగా ఎమ్మెల్యే మాట్లాడుతూ..

నియోజకవర్గంలోని ప్రజలు స్నేహ సౌభ్రాతృత్వంతో కుల, మతాలకు అతీతంగా జీవనం సాగించాలన్నారు. ప్రజలు మహమ్మారి కరోనా బారిన పడకుండా ప్రభుత్వం సూచించిన నియమ బంధనలను పాటించాలన్నారు. ప్రతి ఒక్కరూ విధిగా భౌతికదూరాన్ని పాటిస్తూ ఆరోగ్యాన్నికాపాడుకోవాలన్నారు.