సుల్తాన్ బజార్‌లో కూలిన పాఠశాల భవనం..

దిశ, వెబ్‌డెస్క్ :

సుల్తాన్ బజార్‌లో ఒక పాత స్కూల్ భవనం కుప్పకూలింది. ఆ సమయంలో విద్యార్థులు ఎవరూ లేకపోవడంతో పెనుప్రమాదం తప్పింది. కరోనా కారణంగా దేశవ్యాప్తంగా పాఠశాలలు మూసివేసి ఉన్న విషయం తెలిసిందే. అయితే, హైదరాబాద్‌లో గతకొద్ది రోజులుగా కురుస్తున్న వర్షాలకు పాతభవనాలు కూలిపోతున్నాయి.

ఈ భవనం కూలిన సమయంలో అందులో ఎవరూ లేకపోవడంతో ఎటువంటి ప్రాణనష్టం సంభవించలేదు. విషయం తెలుసుకున్న గోషామహల్ ఎమ్మెల్యే రాజాసింగ్ ఘటనా స్థలిని సందర్శించారు. నగరంలోని మిగతా పాతబడ్డ భవనాలను గుర్తించి వెంటనే కూల్చివేయాలని ఈ సందర్భంగా ఆయన ప్రభుత్వాన్ని డిమాండ్ చేశారు.