అంధాదున్ తెలుగు రీమేక్‌కు ఎండ్ కార్డ్..
దిశ, సినిమా : ఇటీవలే ‘రంగ్ దే’ సినిమాతో ప్రేక్షకులను పలకరించిన యంగ్ హీరో నితిన్.. తన నెక్ట్స్ ఫిల్మ్‌ను మేర్లపాక గాంధీ డైరెక్షన్‌లో చేస్తున్నాడు. హిందీ మూవీ ‘అంధాదున్’కు రీమేక్‌గా ‘మాస్ట్రో’ టైటిల్‌తో తెరకెక్కుతున్న చిత్రంలో నభా నటేష్ హీరోయిన్ కాగా, తమన్నా భాటియా మరొక కీలక పాత్రలో కనిపించనుంది. ఈ మధ్యే హైదరాబాద్‌లో చివరి షెడ్యూల్ షూటింగ్ స్టార్ట్ చేసిన మూవీ యూనిట్.. తమన్నా, నితిన్ కాంబినేషన్‌లో ఇంపార్టెంట్ సీన్లు చిత్రీకరించింది.
ఈ సీన్లు సినిమాకు కీలకం కానున్నాయని తెలిపిన మేకర్స్.. షూటింగ్ కంప్లీట్ అయినట్టు వెల్లడించారు. ప్రస్తుతం పోస్ట్ ప్రొడక్షన్ పనులు జరుగుతున్నట్టు తెలుస్తోంది. ఇక నితిన్ బర్త్‌డే సందర్భంగా రిలీజైన ఫస్ట్ లుక్ పోస్టర్, టీజర్‌కు అనూహ్య స్పందన లభించగా.. రిలీజ్ కోసం ఫ్యాన్స్ ఈగర్‌గా వెయిట్ చేస్తున్నారు. శ్రేష్ట మూవీస్ బ్యానర్‌పై ఎన్ సుధాకర్ రెడ్డి, నిఖితా రెడ్డి నిర్మిస్తున్న చిత్రానికి మహతి స్వర సాగర్ సంగీతం అందిస్తున్నారు.
