యాక్షన్ ఫిల్మ్ చేస్తున్న నయన్?

దిశ, వెబ్‌డెస్క్: అందాల భామ నయనతార కేరళ కుట్టి అయినా సరే, తమిళ్‌లో లేడీ సూపర్ స్టార్‌గా ఎదిగింది. చేసిన మిస్టేక్స్ నుంచి కొత్తగా నేర్చుకుంటూ సూపర్ స్టార్‌గా మన్ననలు అందుకుంటోంది. కుర్ర హీరోలతో జతకడుతూ యంగ్ హీరోయిన్లకు పోటీనిస్తూ.. ఇటు లేడీ ఓరియెంటెడ్ మూవీస్ కూడా చేస్తున్న నయన్.. మరో సినిమా అనౌన్స్ చేసే పనిలో ఉంది.

స్టంట్ కొరియోగ్రఫర్ రాంబో రాజ్ కుమార్ తనయుడు నవకాంత్ దర్శకుడిగా పరిచయం కాబోతున్న సినిమాలో కీ రోల్ ప్లే చేయబోతోంది. ఫుల్ యాక్షన్ పాక్డ్ మూవీలో నయన్ యాక్షన్ హీరోయిన్‌గా కనిపిస్తుండగా.. ఈ సినిమాను సెట్స్ పైకి తీసుకువెళ్లేందుకు చాలా ప్రయత్నిస్తున్నాడని తెలుస్తోంది. నవకాంత్ పలు షార్ట్ ఫిల్మ్స్‌కు డైరెక్టర్‌గా వర్క్ చేయడంతో పాటు పలు సినిమాలకు యాక్షన్ అసిస్టెంట్‌గా పని చేశాడు. ఒకవేళ అన్నీ సక్రమంగా జరిగితే వచ్చే ఏడాది సినిమా షూటింగ్ ప్రారంభం కానుండగా. నయన్ కొత్త దర్శకులతో చేసిన ప్రతీసారి హిట్ అందుకుంది. ఇప్పుడు కూడా అదే సెంటిమెంట్ వర్క్‌ఔట్ అవుతుందని అనుకుంటున్నారు అభిమానులు.

కాగా, నయన్ ప్రస్తుతం ‘మూకుతి అమ్మన్’తో పాటు విఘ్నేష్ శివన్ డైరెక్షన్‌లో మరో సినిమా చేస్తోంది. విజయ్ సేతుపతి హీరోగా వస్తున్న ఈ చిత్రంలో సమంత అక్కినేని కూడా నటిస్తుండగా.. రజినీకాంత్ ‘అన్నాత్తే’ సినిమాలోనూ కీలకపాత్ర చేస్తోంది నయన్.