18 శాతం తగ్గిన COVID-19 పాజిటివ్ కేసులు

దిశ, వెబ్‌డెస్క్: గత వారంలో దేశంలో భారీగా నమోదైన COVID-19 పాజిటివ్ కేసుల సంఖ్య ఈ వారం క్రమ క్రమంగా తగ్గుతూ వస్తుంది. గడిచిన 24 గంటల్లో 5,874 COVID-19 కేసులు నమోదయ్యాయి. ఇవి నిన్నటి తో పోల్చుకుంటే 18% తక్కువ అని కేంద్ర ఆరోగ్య మంత్రిత్వ శాఖ తెలిపింది. అలాగే గడిచిన 24 గంటల్లో కరోనా కారణంగా 25 మంది మృతి చెందగా.. ఇప్పటి వరకు కరోనాతో మృతి చెందిన వారి సంఖ్య 5,31,533 కు చేరుకుంది. ప్రస్తుతం భారత్‌లో 49,015 కరోనా యాక్టివ్ కేసులు ఉన్నాయి. అలాగే కరోనా ప్రారంభం నుంచి ఇప్పటి వరకు భారత్‌లో కరోనా నుంచి కోలుకున్న వారి సంఖ్య 4,43,64,841కు చేరింది.