‘ఊరు పేరు భైరవ కోన’ మూవీ OTT ప్లాట్ ఫామ్ ఫిక్స్.. స్ట్రీమింగ్ ఎప్పుడంటే..?
దిశ, సినిమా: టాలీవుడ్ సినీ ఇండస్ట్రీ హిట్, ప్లాప్ తో సంబంధం లేకుండా వరుసగా సినిమాలు చేస్తూ దూసుకుపోతున్న యంగ్ హీరో సందీప్ కిషన్ తాజాగా ‘ఊరు పేరు భైరవకోన’ సినిమాతో ప్రేక్షకుల ముందుకు వచ్చాడు. వీఐ ఆనంద్ దర్శకత్వం వహించిన ఈ సినిమా లో కావ్య థాపర్, వర్ష బోల్లమ్మ హీరోయిన్స్ గా నటించారు. ఇక మొదటి షో నుంచి విజువ‌ల్స్ బాగున్నాయ‌ంటు ఈ మూవీకి హిట్ టాక్ వచ్చింది. కాగా తొలిరోజు వ‌ర‌ల్డ్ వైడ్‌గా 6.3 కోట్ల గ్రాస్ క‌లెక్షన్స్ వ‌చ్చిన‌ట్లు సినిమా యూనిట్ అఫీషియ‌ల్‌గా ప్రక‌టించింది. తెలుగు రాష్ట్రాల్లో అత్యధికంగా నైజాం ఏరియాలో, కోటిన్నర వ‌ర‌కు వ‌సూళ్లను ద‌క్కించుకున్నట్లు ట్రేడ్ వ‌ర్గాలు తెలిపాయి. కానీ సందీప్‌కిష‌న్ మూవీ లాభాల్లోకి అడుగుపెట్టాలంటే మ‌రో ఏడు కోట్ల వ‌ర‌కు క‌లెక్షన్స్ రాబటాల్సి ఉంది.
ఇదిలా ఉంటే తాజాగా ఈ సినిమా ఓటీటీ పార్ట్నర్ ఫిక్స్ అయిందని తెలుస్తుంది. ప్రముఖ ఓటీటీ సంస్థ జీ5 ఈ సినిమా రైట్స్ ను సొంతం చేసుకుందట. ఇక రిలీజ్ అయిన రెండు నెలల తర్వాత OTT లో స్ట్రీమింగ్ చేయనున్నారట. ప్రజంట్ ఈ సినిమాకు పాజిటివ్ టాక్ రావడంతో ఓటీటీ రిలీజ్ పై ఆడియన్స్ లో ఆసక్తి నెలకొంది. కాగా రెండు నెలలు లేదా 45 రోజుల్లో జీ5లో స్ట్రీమింగ్ అవుతుందని తెలుస్తోంది.
