Anushka Shetty: సమంతకు సపోర్ట్‌గా టాలీవుడ్ స్టార్ అనుష్క శెట్టి.. కాస్టింగ్ కౌచ్‌పై సంచలన పోస్ట్
దిశ, సినిమా: గత కొద్ది రోజుల నుంచి మలయాళ ఇండస్ట్రీలో కేరళ ప్రభుత్వం వేసిన జస్టిస్ హేమ కమిటీ నివేదిక సంచలనం సృష్టిస్తున్న విషయం తెలిసిందే. ఇందులో పలు షాకింగ్ విషయాలు వెల్లడి కావడంతో అంతటా చర్చకు దారి తీసింది. దీంతో హేమ కమిటీపై పలువురు సినీ స్టార్స్ రియాక్ట్ అవుతున్నారు. ఈ క్రమంలో.. టాలీవుడ్ స్టార్ హీరోయిన్ సమంత హేమ లాంటి కమిషన్ తెలుగు ఇండస్ట్రీలో కూడా ఏర్పాటు చేయాలని తెలంగాణ ప్రభుత్వాన్ని, రేవంత్ రెడ్డిని కోరుతూ ఇటీవల వాస్ ఆఫ్ ఉమెన్ పేరుతో సంచలన పోస్ట్ పెట్టిన సంగతి తెలిసిందే. దీంతో అంతా ఈ అమ్మడు వేసిన పోస్ట్ గురించే చర్చించుకుంటున్నారు.
తాజాగా, సమంతకు సపోర్ట్‌గా టాలీవుడ్ స్టార్ హీరోయిన్ అనుష్క శెట్టి తన ఇన్‌స్టా వేదికగా ఓ సంచలన పోస్ట్ పెట్టింది. ‘‘తెలుగు చలనచిత్ర పరిశ్రమలోని మహిళలమైన మేము హేమ కమిటీ నివేదికను స్వాగతిస్తున్నాం. ఈ మంచి కార్యక్రమానికి మార్గం వేసిన WCCin కేరళను అభినందిస్తున్నాం. తెలుగు ఫిల్మ్ ఇండస్ట్రీలో మహిళల కోసం ఒక సపోర్ట్ గ్రూప్ ‘ది వాయిస్ ఆఫ్ ఉమెన్’ 2019లో ఏర్పాటు చేయబడింది.
సినీ పరిశ్రమ విధానాలు రూపొందించడంలో సహాయపడే లైంగిక వేధింపులపై సమర్పించిన సబ్ కమిటీ నివేదికను ప్రచురించాలని మేము తెలంగాణ ప్రభుత్వాన్ని కోరుతున్నాం. తెలుగు ఫిల్మ్ ఇండస్ట్రీలో మహిళలకు సురక్షితమైన పని వాతావరణాన్ని ఏర్పాటు చేయాల్సిన అవసరం ఉంది’’ సమంత పెట్టిన పోస్ట్ షేర్ చేసింది. అయితే రోజు రోజుకు కాస్టింగ్ కౌచ్ వివాదం ముదురుతోంది తప్ప సద్దుమణగడం లేదు. ఇప్పుడు టాలీవుడ్‌లోనూ ఇద్దరు స్టార్ హీరోయిన్లు కమిటీ వేయాలని కోరడంతో అంతా షాక్‌కు గురవుతున్నారు.
