రౌడీ హీరోకు షాక్ ఇచ్చిన శ్రీలీల.. నిమిషం కూడా టైమ్ ఇవ్వలేనంటోందట
దిశ, సినిమా: ప్రస్తుతం బ్యాక్ టు బ్యాక్ సినిమాలు చేస్తూ కెరీర్‌లో దూసుకుపోతున్న శ్రీలీల.. రౌడీ హీరో విజయ్ దేవరకొండకు షాక్ ఇచ్చినట్లు తెలుస్తోంది. నటనతో పాటు డ్యాన్స్‌తోనూ అదరగొడుతూ యూత్‌లో తిరుగులేని క్రేజ్ తెచ్చుకున్న ఈ బ్యూటీ చేతిలో ఇప్పుడు దాదాపు అరడజనుకుపైగా సినిమాలున్నాయి. అయితే ఒకేసారి అన్ని సినిమాలు సెట్స్‌పైకి తీసుకెళ్లడంతో డేట్స్‌ అడ్జెస్ట్‌ చేయడం కష్టమైపోతుందట.
దీంతో విజయ్ హీరోగా గౌతమ్‌ తిన్ననూరి తెరకెక్కిస్తున్న పాన్‌ ఇండియా సినిమా నుంచి శ్రీలీల తప్పుకున్నట్లు సమాచారం. ప్రస్తుతం ‘గుంటూరు కారం’తో పాటు ‘ఉస్తాద్ భగత్‌సింగ్‌’, ‘భగవంత్‌ కేసరి’, ‘ఎక్స్‌ట్రార్డినరీ మ్యాన్‌’, ‘ఆది కేశవ’ వంటి సినిమాలు లైన్‌లో ఉండగా విజయ్ మూవీకి టైమ్ కుదరకపోవడంతో క్యాన్సిల్ చేసుకున్నట్లు టాక్ నడుస్తోంది. మరో వారంలో దీనిపై అధికారిక ప్రకటన కూడా వెలువడే ఛాన్స్ ఉన్నట్లు తెలుస్తోంది.
