Ram Charan: రామ్ చరణ్ బీస్ట్ మోడ్ ఆన్ ఫైర్.. ‘RC16’ మూవీపై ఆసక్తిని పెంచుతున్న పోస్ట్
దిశ, సినిమా: టాలీవుడ్ స్టార్ హీరో రామ్ చరణ్ శంకర్ డైరెక్షన్‌లో గేమ్ చేంజర్ చేస్తున్నారు. ఈ సినిమా విడుదల కాకుండానే ఆయన దర్శకుడు బుచ్చిబాబుతో ‘RC16’ చేస్తున్నట్లు అధికారిక ప్రకటనను విడుదల చేశారు. దీనికి సంబంధించిన పూజా కార్యక్రమాలు కూడా జరగడంతో పాటు ఇందులో హీరోయిన్‌గా జాన్వీ కపూర్‌ను సెలెక్ట్ చేసుకున్నారు. దీనిని పూర్తిగా స్పోర్ట్స్ బ్యాక్ డ్రాప్‌లో తెరకెక్కించబోతున్నట్లు వార్తలు వైరల్ అవుతున్నాయి.
ఈ క్రమంలో.. రామ్ చరణ్ ఆస్ట్రేలియా వెళ్లాడంటూ పలు పుకార్లు షికారు చేస్తున్నాయి. కానీ దీనిపై మేకర్స్, చరణ్ రియాక్ట్ కాలేరు. తాజాగా, రామ్ చరణ్ ట్విట్టర్ వేదికగా ఓ ఫొటో షేర్ చేస్తూ RC16పై అంచనాలను రెట్టింపు చేశారు. బ్లాక్ కలర్ టీ షర్ట్, షార్ట్ ధరించిన ఆయన ఫిట్నెస్ కోచ్ శివోహం వద్దకు వెళ్తున్నట్లు ఉన్న పిక్ షేర్ చేశారు. అంతేకాకుండా ఈ పోస్ట్‌కు ‘‘బీస్ట్ మోడ్ ఆన్ ఫైర్. ‘RC16’ లోడింగ్ శివోహం’’ అనే క్యాప్షన్ జత చేశారు. దీంతో ఈ సినిమాపై మెగా ఫ్యాన్స్‌లో ఆసక్తి పెరిగింది.
