PRABHAS-TRISHA మరోసారి బ్లాక్ బస్టర్ కాంబో రిపీట్.. ఎగిరిగంతులేస్తోన్న ఫ్యాన్స్
దిశ, సినిమా: పాన్ ఇండియా స్టార్ ప్రభాస్-త్రిష కలిస్తే నటిస్తే బాగుండని నెట్టింట ఫ్యాన్స్ ఎప్పటినుంచో హంగామా చేస్తోన్న విషయం తెలిసిందే. ఇప్పటికే వీరిద్దరి కలయికలో తెరకెక్కిన పౌర్ణమి, వర్షం, బుజ్జిగాడు వంటి చిత్రాలు బ్లాక్ బస్టర్ హిట్ కొట్టాయి. త్రిష-ప్రభాస్ కు సినీ ఇండస్ట్రీలో ఫేమ్ దక్కిందనడానికి ఈ సినిమాలు కూడా ఓ కారణమని చెప్పుకోవచ్చు. ఎందుకంటే ఈ చిత్రాల్లోని సాంగ్స్, ఎమోషనల్ సీన్స్, కామెడీ ప్రేక్షకులను ఎంతగానో ఆకట్టుకున్నాయి. ప్రస్తుతం వీరిద్దరు పాన్ ఇండియా లెవల్‌లో దూసుకుపోతున్నారు. ఈ క్రమంలో త్రిష-రెబల్ స్టార్ కాంబో మరోసారి రిపీట్ చేసి, ప్రేక్షకులను అలరించడానికి ఓ దర్శకుడు ప్లాన్ చేస్తున్నాడు. మరీ ఆయనేవరో కాదు.. అర్జున్ రెడ్డి, యానిమల్ వంటి సూపర్ హిట్ మూవీస్ తెరకెక్కించిన సందీప్ రెడ్డి వంగా.
ఈ దర్శకుడు ప్రభాస్‌తో ‘స్పిరిట్’ సినిమా చేస్తోన్న విషయం తెలిసిందే. అయితే ఇందులో హీరోకు భార్య పాత్ర ఉంటుందట. అందుకోసం హీరోయిన్ త్రిష అయితే ప్రభాస్ వైఫ్ గా డిగ్నిఫైడ్ గా ఉంటుందని దర్శకుడు భావిస్తున్నాడట. కాగా సందీప్ రెడ్డి వంగా త్రిషను అప్రోచ్ అయ్యారట. దీనిపై త్వరలోనే అధికారికంగా ప్రకటించనున్నారని సమాచారం. రూ. 300 కోట్ల భారీ బడ్జెట్‌తో రూపొందుతోన్న ఈ చిత్రం 2025 లో సెట్స్ మీదకు రానుందట.
