Kiran Abbavaram: కిరణ్ అబ్బవరం ‘క’ సినిమా అప్డేట్.. ఆకట్టుకుంటున్న ఫస్ట్ సింగిల్ ప్రోమో

దిశ, సినిమా: టాలీవుడ్ యంగ్ హీరో కిరణ్ అబ్బవరం రాజావారు రాణివారు సినిమాతో ఇండస్ట్రీకి పరిచయం అయ్యాడు. తన సొంతం టాలెంట్‌తో హీరోగా పలు సినిమాల్లో నటించి మెప్పించాడు. ప్రజెంట్ టాలీవుడ్ ఇండస్ట్రీలో హీరోగా కొనసాగుతున్నాడు. ముఖ్యంగా ఆయన SRకల్యాణ్ మండపం సినిమాతో మంచి హిట్ కొట్టాడు. ప్రజెంట్ ఈ యంగ్ హీరో వెరైటీగా ‘క’ మూవీతో ప్రేక్షకుల ముందుకు రాబోతున్నాడు. సుజిత్ అండ్ సందీప్ దర్శకత్వం వహిస్తున్నారు.

అయితే ఈ సినిమాను స్వయంగా కిరణ్ అబ్బవరం నిర్మిస్తున్నారు. ఇప్పటికే క చిత్రం నుంచి విడుదలైన పోస్టర్స్, టీజర్ మంచి రెస్సాన్స్‌ను దక్కించుకున్నాయి. ఈ క్రమంతో.. తాజాగా, క సినిమా నుంచి అప్డేట్ విడుదల చేశారు మేకర్స్. వరల్డ్ ఆఫ్ వాసుదేవ్ అనే ఫస్ట్ సింగిల్ సాంగ్‌ ప్రోమో వదిలారు. ఇందులో పల్లెటూరి వాతావరణం చూపించిన ఈ సాంగ్ ప్రేక్షకులను ఆకట్టుకుంటోంది. అయితే క మూవీ ఫస్ట్ సింగిల్ పూర్తి పాట ఆగస్టు 19న విడుదల కానున్నట్లు తెలిపారు. అయితే ఈ సినిమా తొందరలోనే ప్రేక్షకుల ముందుకు రాబోతుంది.