షేక్‌ హ్యాండ్ అడిగిన అభిమానిని పక్కకు నెట్టేసిన కరీనా కపూర్ !

దిశ, సినిమా: బాలీవుడ్ స్టార్ హీరోయిన్ కరీనా కపూర్ గురించి పరిచయం అక్కర్లేదు. ఇద్దరు పిల్లల తల్లి అయినప్పటికీ ఆమె క్రేజ్ ఏ మాత్రం తగ్గడం లేదు. సాధారణంగా సెలబ్రిటీలు బయట కనిపిస్తే అభిమానులు చుట్టుముడుతుంటారు. అయితే తాజాగా కరీనా కపూర్, సైఫ్ అలీఖాన్‌తో కలిసి ముంబైలోని ఓ రెస్టారెంట్‌కి వెళ్లింది. అక్కడ కారు ఆపగానే కరీనా ముందుగా దిగింది. అదే సమయంలో ఓ మహిళా ఫ్యాన్ అక్కడకు వచ్చి ‘ఒక్కసారి షేక్ హ్యాండ్ ఇవ్వండి ప్లీజ్’ అని అడిగింది. అయితే వెంటనే కరీనా సెక్యూరిటీ ఆమెను పక్కకు నెట్టాడు. కరీనా కూడా పట్టించుకోనట్టు వెళ్లింది. కాగా ఈ వీడియోపై సోషల్ మీడియాలో చర్చ జరుగుతోంది. ‘అభిమానంతో అడిగినప్పుడు షేక్ హ్యాండ్ ఇచ్చేందుకు కరీనా కపూర్‌కు వచ్చిన సమస్య ఏంటి? ’ అని నెటిజన్లు ప్రశ్నిస్తున్నారు.