Taapsee Pannu: నేను సెలబ్రిటీని.. పబ్లిక్ ప్రాపర్టీ కాదు తాప్సీ పన్ను సెన్సేషనల్ కామెంట్స్!

దిశ, సినిమా: స్టార్ హీరోయిన్ తాప్సీ పన్ను అందరికీ సుపరిచితమే. ఈ అమ్మడు భాషతో సంబంధం లేకుండా వరుస సినిమాల్లో నటిస్తూ దూసుకుపోతుంది. ఇటీవల ఆమె అక్షయ్ కుమార్ ‘కేల్ కేల్ మెయిన్’ మూవీలో నటించింది. చిత్రాల్లో నటిస్తూ బిజీగా ఉన్నప్పటికీ తాప్సీ పన్ను పలు ఇంటర్వ్యూలో పాల్గొంటూ వివాదాస్పద కామెంట్స్ చేస్తూ వార్తల్లో నిలుస్తుంటుంది. తాజాగా, ఫొటోగ్రాఫర్లతో గొడవ పెట్టుకోవడంపై రియాక్ట్ అయింది. ‘‘నేను సెలబ్రిటీని అంతే పబ్లిక్ ప్రాపర్టీ కాదు. ఈ రెండు పదాల్లో తేడా ఉంది. మహిళలు నో అంటే నో అంతే కానీ కొందరు తెరవెనుక ఉన్నవారు ఒప్పుకోరు.

అయినప్పటికీ దీనిపై నాకు క్లారిటీ ఉంది. అయితే కెమెరాలతో నాపైకి దూసుకురావడం ఫిజికల్‌గా హ్యాండిల్ చేయడం ఏంటి? అది కరెక్ట్ కాదు. నేను ముందు అమ్మాయి ఆ తర్వాతే నటిని కాబట్టి ఇబ్బందిని కలిగించవద్దు. నేనిలా చెప్పడం వల్ల హీరోయిన్‌గా పనికిరానని కొందరు అనుకోవచ్చు. అలాంటప్పుడు సినిమాలు ఎందుకు తీస్తున్నావ్ అని కూడా కామెంట్స్ చేసే వారున్నారు. కానీ నాకు నా వృత్తి అంటే చాలా ఇష్టం’’ అని చెప్పుకొచ్చింది. ప్రజెంట్ తాప్సీ కామెంట్స్ నెట్టింట వైరల్‌గా మారాయి. అలాగే తాప్సీ కామెంట్స్ వీడియోలు చూసిన వారు రకరకాలుగా కామెంట్లు చేస్తున్నారు.