కన్నడలో ట్వీట్ చేసిన చిరంజీవి.. పొగడ్తల వర్షం కురిపిస్తోన్న ఫ్యాన్స్

దిశ, సినిమా: మెగాస్టార్ చిరంజీవి ప్రస్తుతం బింబిసార ఫేమ్ వశిష్ట దర్శకత్వంలో విశ్వంభర సినిమాలో నటిస్తున్నాడు. సోషియో ఫాంటసీ కాన్సెప్ట్ తో తెరకెక్కుతోన్న ఈ మూవీ లో త్రిష కథానాయికగా నటిస్తోంది. 2006 లో ప్రేక్షకుల ముందుకొచ్చిన వీరిద్దరి జంట మళ్లీ ఇన్నేళ్ల తర్వాత జతకట్టడం తో ఫ్యాన్స్ ఆత్రుతగా ఎదురు చూస్తున్నారు. UV క్రియేషన్స్ పై విక్రమ్, ప్రమోద్, వంశీ నిర్మిస్తోన్న ఈ చిత్రం 2025 లో సంక్రాంతికి థియేటర్లలో గ్రాండ్ రిలీజ్ కానుంది.

ఇకపోతే మెగాస్టార్ గొప్పతనం గురించి తెలిసిందే. బెంగళూరు తీవ్రమైన నీటి ఎద్దడి నేపథ్యంలో మెగాస్టార్ ఓ సలహా ఇచ్చాడు. దీని నుంచి బయటపడేందుకు ఇంకుడు గుంతలు ఏర్పాటు చేసుకోవాలని అన్నాడు. బెంగళూరులోని చిరు ఫామ్ హౌస్ లో అవలంభించిన పద్ధతుల గురించి చెప్పుకొచ్చాడు. చిరంజీవి కన్నడలో పెట్టిన పోస్ట్ సోషల్ మీడియాలో వైరల్ అవ్వగా.. సోషల్ మీడియాలో మెగా ఫ్యాన్స్ అండ్ పలువురు సినీ సెలబ్రిటీలు మెగాస్టార్ పై పొగడ్తల వర్షం కురిపిస్తున్నారు.