బాలయ్య సినిమాలో బిగ్‌బాస్ బ్యూటీ రతిక.. స్క్రీన్‌పై కనిపించగానే దద్దరిల్లిన థియేటర్స్!
దిశ, వెబ్‌డెస్క్: ఉన్నది కొన్ని రోజులే అయినా బిగ్‌బాస్‌లో యంగ్ బ్యూటీ రతిక రోజ్ తన మార్క్ చూపించింది. తనదైన శైలిలో గేమ్స్ ఆడుతూ సత్తా చాటింది. ఆటలో భాగంగా ఇతర కంటెస్టెంట్లతోనూ ఆడుకుందని కొందరు సోషల్ మీడియా వేదికగా రతికపై కామెంట్ల వర్షం కురిపించారు. ఏదేమైనా బిగ్‌బాస్ ద్వారా రతికకు వేరే లెవెల్ క్రేజ్ వచ్చిందనడంలో ఎలాంటి సందేహం లేదు. ఇదిలా ఉండగా.. రతికకు సంబంధించిన ఓ ఆసక్తికర వార్త సోషల్ మీడియాలో వైరల్‌గా మారింది. నటసింహం నందమూరి బాలకృష్ణ, టాలెంటెడ్ డైరెక్టర్ అనిల్ రావిపూడి కాంబినేషన్‌లో వచ్చిన భగవంగ్‌ కేసరి చిత్రంలో రతిక నటించింది.
ఈ చిత్రంలో రతికా రోజ్ చిన్న కీలక పాత్రలో మెరిసింది. లేడీ మినిస్టర్ పాత్రలో రతిక కనిపించింది. ఆమె స్క్రీన్‌పై కనిపించగానే థియేటర్స్‌లో ఆడియన్స్ ఈలలు కేకలతో హోరెత్తిస్తున్నారు. ఆమె పాత్రని అనిల్ రావిపూడి ఫన్నీగా ప్రెజెంట్ చేశారు. రతిక పాత్రకి ఈ రేంజ్‌లో రెస్పాన్స్ రావడం ఆమె క్రేజ్‌కి నిదర్శనమని సినీ ప్రియులు చెబుతున్నారు.
