- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
ఒకప్పుడు పొదల్లో బట్టలు మార్చుకున్న హీరోయిన్.. ఇప్పుడు వ్యానిటీ వ్యాన్ కంపెనీకి ఓనర్..
దిశ, సినిమా : నటి పూనమ్ ధిల్లాన్ చిన్నవయస్సులోనే మిస్ ఇండియాగా తళుక్కుమని ఎన్నో చిత్రాల్లో నటించి అభిమానుల మనస్సును దోచుకున్న అందాల తార. ఆరుపదులు దాటినా నటనా ప్రపంచంలో చురుకుగా ఉంది. అంతేకాదు ప్రస్తుతం పూనమ్ ధిల్లాన్ వ్యానిటీ వ్యాన్ వ్యాపారాన్ని కూడా నిర్వహిస్తున్నారు. భారతదేశంలో వ్యానిటీ వ్యాన్ను ప్రారంభించిన మొదటి హీరోయిన్ పూనమ్ ధిల్లాన్. మరి ఆమె కెరీర్ ఎలా ప్రారంభించిందో ఇప్పుడు తెలుసుకోండి.
ఏప్రిల్ 18న పూనమ్ ధిల్లాన్ 62వ పుట్టినరోజు. 1977లో ఆమె 16 సంవత్సరాల వయస్సులో మిస్ ఇండియా అయ్యింది. యష్ చోప్రా ద్వారా పూనమ్ సినిమాల్లో రంగప్రవేశం చేశారు. పూనమ్ ధిల్లాన్ నాలుగు దశాబ్దాలకు పైగా చిత్ర పరిశ్రమలో కొనసాగుతున్నప్పటికీ, ఆమె అందం ఇప్పటికీ అలాగే ఉంది.
పూనమ్ ధిల్లాన్ 1978లో 'త్రిశూల్' సినిమాతో తన నట జీవితాన్ని ప్రారంభించింది. దీని తర్వాత 'నూరి', 'కాలా పత్తర్', 'తవైఫ్', 'సోనీ మహివాల్', 'కర్మ', 'తేరీ మెహెర్బనియన్' వంటి ఎన్నో గుర్తుండిపోయే హిట్ చిత్రాల్లో నటించారు. పూనమ్ ధిల్లాన్ తన మొదటి సినిమా 'త్రిశూల్'లో స్విమ్ సూట్ వేసుకుందని ఫిల్మ్ సర్కిల్స్ లో చర్చ మొదలైంది. ఈ సినిమా తర్వాత తాను సినిమాల్లో పని చేస్తున్న వార్త ఆమె తల్లి చెవికి చేరడంతో ఆమెతో మాట్లాడటం మానేశారట.
నటి అయ్యాక అమ్మ తనతో ఐదేళ్లు మాట్లాడలేదు..
పూనమ్ ధిల్లాన్ ఒక ఇంటర్వ్యూలో దీని గురించి మాట్లాడుతూ సినిమా కెరీర్ చెడ్డది కాదని అంగీకరించడానికి తన తల్లికి ఐదేళ్లు పట్టిందట. అందులో గౌరవం, డబ్బు కూడా ఉన్నాయి. తర్వాత తల్లి ఒప్పుకున్నప్పటికీ సినిమాల్లో నటించే విషయంలో పూనమ్ ధిల్లాన్ ముందు కొన్ని షరతులు పెట్టారట. ఔట్ డోర్ షూట్ ఉంటే పేరెంట్స్ వెంట వెళ్లడం, స్నేహితులతో లేట్ నైట్ పార్టీలకు స్వస్తి పలకడం. 10 గంటలకు ప్యాక్ అప్ చేస్తే పూనమ్ ధిల్లాన్ 10.30కి ఇంటికి రావాలనే కండిషన్లు.
భారతదేశంలో వ్యానిటీ వ్యాన్ను ప్రారంభించిన పూనమ్ ధిల్లాన్..
పూనమ్ ధిల్లాన్ దాదాపు 46 ఏళ్ల పాటు సినిమాల్లో నటించారు. దాదాపు 90 సినిమాల్లో నటించిన ఆమె ఆ తర్వాత సినిమాలకు దూరంగా ఉన్నారు. ఇప్పటికీ సినిమాల్లో కొన్ని రోల్స్ చేస్తున్నారు. సినిమాల్లో నటించిన పూనమ్ భారతదేశంలో వ్యానిటీ వ్యాన్ వ్యాపారాన్ని ప్రారంభించారు.
పూనమ్ ధిల్లాన్కి వ్యానిటీ వ్యాన్ ఆలోచన ఇలా వచ్చింది..
ఒకప్పుడు నటీమణులు షూటింగ్ సమయంలో చాలా ఇబ్బందులు పడేవారు. విశ్రాంతి తీసుకోవాలనుకున్నా, బట్టలు మార్చుకోవాలన్నా, వాష్రూమ్కి వెళ్లాలన్నా పొదలు లేక బస్సు సాయం తీసుకోవాల్సి వచ్చేది. లేదంటే తిరిగి హోటల్కి వెళ్లి స్నానం చేసి బట్టలు మార్చుకోవాల్సి వచ్చింది. మాధురీ దీక్షిత్ నుండి జయా బచ్చన్, దివంగత నటి శ్రీదేవి వరకు చాలా మంది షూటింగ్ సమయంలో ఇలాంటి సమస్యలు ఎదుర్కొన్న వారే. అప్పుడే పూనమ్ ధిల్లాన్ వ్యానిటీ వ్యాన్ కాన్సెప్ట్ గురించి ఆలోచించారట.
వ్యానిటీ వ్యాన్గా బస్సు..
పూనమ్ ధిల్లాన్ బస్సును వ్యానిటీ వ్యాన్గా మార్చాలని భావించారు. ఇందుకోసం బస్సులోనే ఏసీ ఏర్పాటు చేసి మేకప్ రూమ్, టాయిలెట్ కూడా నిర్మించాడు. పూనమ్ ధిల్లాన్కి విదేశాల్లో సినిమా షూటింగ్ జరుగుతున్నప్పుడు వ్యానిటీ వ్యాన్ ఆలోచన వచ్చిందట. అక్కడ పూనమ్ ధిల్లాన్ సెట్స్లో తారల వ్యాన్ని చూసేవారట. దానిని వారు ట్రైలర్ వ్యాన్ లేదా మేకప్ వ్యాన్ అని పిలుస్తారట. దానికి పూనమ్ ధిల్లాన్ వానిటీ అని పేరు పెట్టింది.
భారతదేశంలో 25 వానిటీ వ్యాన్లు..
వానిటీ వ్యాన్ను ప్రారంభించిన మొదటి నటి పూనమ్ ధిల్లాన్. వ్యానిటీ వ్యాన్ను కలిగి ఉన్న మొదటి నటి కూడా ఆమె. పూనమ్ ధిల్లాన్ 1991లో జె.కె. ట్రావెలర్స్ సహకారంతో భారతదేశంలో 25 వానిటీ వ్యాన్లను ప్రారంభించారు. అయితే అప్పట్లో సినిమా ఇండస్ట్రీలో చాలా మంది వ్యానిటీ వ్యాన్ అంటే అనవసరమైన ఖర్చుగా భావించేవారట. కానీ క్రమంగా చాలా మంది సెలబ్రిటీలు వ్యానిటీ వ్యాన్లను ఉంచడం ప్రారంభించారు. ఇప్పుడు ప్రతి స్టార్ దగ్గర కోట్ల విలువైన వ్యానిటీ వ్యాన్ ఉంటుంది. ఇది మాత్రమే కాదు, తర్వాత పరిశ్రమలోని చాలా మంది నిర్మాతలు కూడా వ్యానిటీ వ్యాన్లను తీసుకోవడం ప్రారంభించారు. ఈ రోజు కూడా చాలా మంది ఆర్టిస్టులు వానిటీ వ్యాన్ని ప్రారంభించినందుకు పూనమ్ ధిల్లాన్కి కృతజ్ఞతలు తెలుపుతున్నారు.
వ్యానిటీ కంపెనీ నికర విలువ..
పూనమ్ ధిల్లాన్ తన సొంత మొబైల్ వ్యానిటీ వ్యాన్ను ప్రారంభించినప్పుడు అనిల్ కపూర్, శ్రీదేవి VIP అతిథులుగా వచ్చారు. పూనమ్ ధిల్లాన్ ఇప్పుడు మేకప్-వాన్ వ్యాపారాన్ని నడుపుతోంది. నివేదికల ప్రకారం పూనమ్ ధిల్లాన్ నికర విలువ ప్రస్తుతం రూ. 22 కోట్లు.