ఎడ్లను కడగటానికి చెరువులోకి దిగి..

దిశ తుంగతుర్తి: సూర్యాపేట జిల్లాలో విషాదం చోటుచేసుకుంది. ప్రమాదవశాత్తు ఓ వ్యక్తి చెరువులో పడి మృతి చెందాడు. మద్దిరాల మండలం పోలుమల్ల గ్రామంలో ఈ ఘటన చోటుచేసుకుంది. గ్రామానికి చెందిన ఓ రైతు బురద పొలంలో గొర్రు కట్టి తిరిగి వస్తూ ఎడ్లను కడగటానికి చెరువుకు తీసుకెళ్లాడు. ప్రమాదవశాత్తు అతను చెరువులో మునిగిపోయాడు. స్థానికులు గమనించి రక్షించడానికి ప్రయత్నించిన ఫలితం లేకపోయింది. రైతు కోసం చెరువులో గాలించగా.. గంట తరువాత మృతదేహం లభ్యమైంది.