రోడ్డుపైన రియల్ 'బాహుబలి', ఇర‌గ‌దీశాడంతే..!! (వీడియో)
దిశ, వెబ్‌డెస్క్ః 'బాహుబలి' సినిమా ఇండియాలో ఉత్త‌మ పాపుల‌ర్ మూవీగా పేరుపొందింది. భారతీయ ఇతిహాస నేప‌ధ్యంలో వ‌చ్చిన భారీ ఫిల్మీ స్టైల్ యాక్షన్ సన్నివేశాలు ఇందులో చాలానే ఉన్నాయి. అందులో ఒక‌టి హీరో ప్రభాస్ గ్రాండ్ ఎంట్రీ సీన్ ఏనుగు తొండంపై నుంచి ఎక్క స‌న్నివేశం. నిజానికి సినిమా విడుద‌లైన త‌ర్వాత ఈ సీన్‌ను చాలా మంది రీక్రియేట్ చేయాల‌ని ప్ర‌య‌త్నించారు. వారిలో దాదాపుగా చాలా మంది సక్సెస్ కాలేదు. కానీ, రోడ్డుపై ఓ వృద్ధుడు మాత్రం ఎంతో స‌హ‌జంగా దాన్ని చేశాడు. సినిమా సీన్ రిక్రియేట్ చేయ‌డం కాదు గానీ ఆయ‌న త‌న రోజువారీ అల‌వాటులో భాగంగానే త‌న పెంపుడు ఎనుగు తొండంపైన ఎక్కి, భుజంపైన కూర్చున్నాడు.
ఇటీవల ఇంటర్నెట్‌లో వైరల్‌గా మారిన ఈ వీడియోను ఛ‌త్తీస్‌గ‌ఢ్ ట్రాన్స్‌పోర్ట్‌, ప‌బ్లిక్ రిలేష‌న్స్ క‌మీష‌న‌ర్ అయిన ఐపీఎస్ ఆఫీస‌ర్‌ దీపాంశు కబ్రా త‌న ట్విట్టర్ పేజ్‌లో షేర్ చేశాడు. "#బాహుబలి2లో @ప్రభాస్‌రాజులా చేసాడు" అంటూ ఈ వీడియోకు క్యాప్ష‌న్ పెట్టాడు. నెటిజ‌న్లు ఈ వీడియోకు ప్ర‌శ‌సంలు కురిపిస్తున్నారు. "రియల్ బాహుబలి" అని పిలుస్తుంటే, మరికొందరు జంతువుకు, మనిషికి మధ్య ఉన్న స్వచ్ఛమైన బంధం ఇది అంటూ అభినందిస్తున్నారు. మ‌రో ట్విట్టర్ వినియోగదారుడు అయితే ఆయ‌న "ప్ర‌భాస్‌లా చేయ‌డం కాదు, ప్రభాసే ఆయ‌న‌లా చేసాడు" అని వ్యాఖ్యానించాడు.
