ఆ గ్రామంలో ఇద్దరు భార్యలు మస్ట్... సోషల్ మీడియాలో వైరల్ అవుతున్న ఊరు..
దిశ, ఫీచర్స్ : రాజస్థాన్ జైసల్మీర్ లోని ఓ మారుమూల గ్రామం సినిమాల్లో పౌరాణిక పథాన్ని ఇంకా ఫాలో అవుతుంది. రామ్‌దేయో కి బస్తీ.. పూర్తిగా భిన్నమైన ఆచారాలకు ప్రసిద్ధి చెందిన ఒక చిన్న స్థావరంగా కనిపిస్తుంది. గ్రామంలోని ప్రతి పురుషునికి ఇద్దరు భార్యలు ఉండటం ఇక్కడి ప్రత్యేకత. కాగా ఏకభార్యత్వం లోతుగా పాతుకుపోయిన దేశంలో ఇది అసాధారణంమే. కానీ వివాహ భావన ఇక్కడ పూర్తిగా కొత్త కోణాన్ని సంతరించుకుంది. దేశంలో బహుభార్యత్వం అంగీకరించబడదు కానీ వారి సంస్కృతిలో పాతుకుపోయింది. ప్రస్తుతం సోషల్ మీడియాలో వైరల్ అవుతుంది.
మరి ఇద్దరు భార్యల మధ్య గొడవల మాటేంటి అనుకున్నప్పుడు.. అస్సలు వివాదాలకు తావు లేకుండా సొంత అక్కా చెల్లెళ్ల మాదిరిగా ఒకే భర్తతో ఒకే ఇంట్లో కాపురం చేస్తారట. కాగా ఈ ఆచారం పురాతన మూఢనమ్మకాలతో ముడిపడి ఉందని గ్రామస్తులు నమ్ముతారు. స్థానిక పురాణాల ప్రకారం.. ఒక వ్యక్తి ఒక్కసారి మాత్రమే వివాహం చేసుకుంటే అతనికి పిల్లలు ఉండకపోవచ్చు. వారసుడిని కనడానికి.. రెండవ వివాహం అవసరమని భావించబడుతుంది. ఈ నమ్మకం ప్రకారం.. రెండవ భార్య ఒక కొడుకు పుట్టుకకు హామీ ఇస్తుంది. తద్వారా ఆచరణను శాశ్వతం చేస్తుంది. అయితే ఇప్పుడు కాస్త మార్పు వచ్చేలా కనిపిస్తుంది. ఈ తరం రెండు పెళ్లిళ్లకు నో చెప్తున్నారు. గ్రామంలోని పాత పద్ధతులను నెమ్మదిగా మారుస్తున్నారు.
