26 ఏళ్లపాటు ఇంటిపని చేసిన భార్య.. కోర్టు ఉత్తర్వులతో రూ.79 లక్షలు పరిహారం చెల్లించిన భర్త..

దిశ, ఫీచర్స్ : గృహిణి చేసే పనిని ఎప్పుడూ ఎవరో ఒకరు తక్కువ అంచనా వేస్తూనే ఉంటారు. ఇది భారతదేశంలోనే కాదు ప్రపంచవ్యాప్తంగా వివిధ దేశాలలో ఇదే పరిస్థితి. మగవాళ్ళు ఆఫీసులో పని చేస్తారని, జీతం సంపాదించి ఇంటి ఖర్చులు చూసుకుంటారని అనుకుంటారు. కానీ భార్య కూడా రోజంతా ఇంటిపని చేస్తుందని అనుకోరు. వాస్తవానికి, ఇంటి పని ఉద్యోగం కాదని వారు భావిస్తారు. కానీ అలాంటి వ్యక్తుల ఆలోచనకు కోర్టు పూర్తిగా విరుద్ధంగా తీర్పును ఇచ్చింది. దీనికి సంబంధించిన ఒక విషయం తెగ వైరల్ అవుతుంది.

వాస్తవానికి 26 ఏళ్ల వివాహ జీవితంలో గృహిణిగా పనిచేసినందుకు భర్త తన మాజీ భార్యకు 88,025 యూరోలు (95,898 డాలర్లు) పరిహారంగా చెల్లించాలని స్పెయిన్‌లోని పాంటెవెడ్రాలోని ప్రావిన్షియల్ కోర్టు ఇటీవల తీర్పునిచ్చింది. రూ.79 లక్షల 48 వేలు చెల్లించారు. అయితే ఈ జంట పేర్లు మాత్రం వెల్లడించలేదు.

విడాకుల తర్వాత భార్య ఇల్లు వదిలి వెళ్లాల్సి వచ్చింది..

ఆడిటీ సెంట్రల్ వెబ్‌సైట్ నివేదిక ప్రకారం ఈ జంట 1996 సంవత్సరంలో వివాహం చేసుకున్నారు. 2022 లో విడిపోయే వరకు భార్య చాలా సంవత్సరాలలో 205 రోజులు మాత్రమే ఇంటి వెలుపల పనిచేసి, మిగిలిన సమయాన్ని వారి ఏకైక కుమార్తె, ఇంటిని సక్రమంగా ఉంచుకోవడానికి తనను తాను అంకితం చేసుకుంది. వారు విడిపోయిన తర్వాత భర్త వారు ఎప్పుడూ నివసించే ఇంట్లోనే హాయిగా నివసిస్తున్నాడు. భార్య మరొక ప్రదేశంలో అద్దె ఇంటికి మారవలసి వచ్చింది.

పరిహారం మొత్తానికి సంబంధించి చిక్కుముడి సమస్య..

ఇప్పుడు భార్య స్పష్టంగా తనను తాను పోషించుకోవడానికి ఉద్యోగం వెతుక్కోవలసి వచ్చింది. కానీ ఆమె తన జీవితంలో 26 సంవత్సరాలు గృహిణిగా గడిపింది. అందుకే ఆమె ఇన్నేళ్ల ఇంటి పనికి పరిహారం కోరింది. మొదట కోర్టు నిర్ణయం ప్రకారం భర్త తన మాజీ భార్యకు 1 లక్ష 20 వేల యూరోలు ($ 1,30,000) పరిహారం చెల్లించాలని నిర్ణయించారు. అయితే ఈ నిర్ణయానికి వ్యతిరేకంగా వారిద్దరూ అప్పీలు చేసుకున్నారు. కోర్టు నిర్ణయించిన మొత్తంలో 60 వేల యూరోల కోత విధించాలని భర్త కోరగా, పరిహారం మొత్తాన్ని 1,83,629.36 యూరోలకు ($2,00,000) పెంచాలని భార్య కోరింది.

కోర్టు నిర్ణయం..

పెళ్లయిన తర్వాత ఏడాది మాత్రమే పనిచేశానని, 1989 నుంచి పూర్తి గృహిణిగా మారానని, ఇంటి బాధ్యతలు, కూతురిని పెంచడం కోసమే తన జీవితాన్ని అంకితం చేశానని ఆ మహిళ గోడు వెళ్లగక్కింది. అయితే ఇప్పుడు పెళ్లయినప్పటి నుంచి తాను అలా చేశానని మాజీ భార్య వాదన. జీవనోపాధి కోసం ఉద్యోగం వెతుక్కోవలసి వచ్చింది. సరే కేసును విని, అర్థం చేసుకున్న తర్వాత భర్త ఇచ్చిన 1 లక్షా 20 వేల యూరోల ప్రాథమిక పరిహారాన్ని 88,025 యూరోలకు తగ్గించాలని, భర్త తన మాజీ భార్యకు నెలకు 350 యూరోలు ($381) చెల్లించాలని కోర్టు తీర్పునిచ్చింది.