కంటెంట్ క్రియేటర్స్.. కస్టమర్ ఇన్‌ఫ్లుయెన్స్
దిశ, ఫీచర్స్: ప్రస్తుతం జనాలందరూ డిజిటల్‌గా మారిపోయారు. వార్తలు, వ్యాపారం, వినోదం దేనికోసమైనా సోషల్ మీడియానే ఆశ్రయిస్తున్నారు. స్టాటిస్టా విశ్లేషణ ప్రకారం 2021లో 4.26 బిలియన్లకుపైగా వ్యక్తులు డిజిటల్ ప్లాట్‌ఫామ్స్ ఉపయోగించగా.. ఈ సంఖ్య 2027 నాటికి దాదాపు ఆరు బిలియన్లకు పెరుగుతుందని అంచనా. కాగా సోషల్ మీడియా పొందుతున్న జనాదరణ.. కంటెంట్ ప్రొవైడర్లకు మరింత ప్రాముఖ్యతను అందిస్తోంది. ఈ క్రమంలో ఇన్నోవేటర్స్ మార్కెటింగ్‌లో ఎలాంటి ముద్ర వేస్తున్నారు? కంటెంట్ క్రియేటర్స్ నిజంగానే కస్టమర్స్ ఎంపికను ప్రభావితం చేస్తున్నారా? అనే విషయాల గురించి తెలుసుకుందాం.
ఇన్ఫ్లుయెన్సర్ మార్కెటింగ్ అనేది మార్కెటింగ్‌లో సరికొత్త శకానికి నాంది పలకింది. వినియోగదారుల కొనుగోలు ఎంపికలపై గణనీయమైన స్వావలంబనను కలిగిఉంది. వాస్తవానికి ఎక్కువ మంది వీక్షకులు ఈ క్రియేటర్స్ను వారి గొప్ప సాపేక్షత మరియు ఆబ్జెక్టివ్ దృక్కోణం ఫలితంగా చూస్తారు. ఒక సర్వే ప్రకారం మైక్రో-ఇన్ఫ్లుయెన్సర్ ఫాలోవర్లలో 26.7 శాతం మంది పోస్ట్‌ను చదివిన తర్వాత కొనుగోలు చేయగా.. 45.4 శాతం మంది ఫాలోవర్స్ ఇన్‌ఫ్లుయెన్సర్స్ సూచించిన దానిని ప్రయత్నిద్దామనే కొనుగోలు చేశారు. అందుకే పలు కంపెనీలు ఎక్కువ మంది వ్యక్తులకు రీచ్ అయ్యేందుకు, తమ బ్రాండ్‌పై అవగాహన కల్పించేందుకు మరింత మంది ఇన్‌ఫ్లుయెన్సర్స్‌ను వినియోగిస్తున్నాయి. అంటే ఇన్ఫ్లుయెన్సర్ మార్కెటింగ్ ఇటు ఇన్‌ఫ్లుయెన్సర్‌కు అటు బ్రాండ్‌కు సానుకూల ఖ్యాతిని కలిగిస్తూ.. రెండు పార్టీలకు విన్-విన్ సిచ్యువేషన్‌ను అందిస్తున్నాయి. కానీ ఇన్‌ఫ్లుయెన్సర్స్ విస్తృత శ్రేణి అనుచరులను కలిగి ఉన్నా.. కంపెనీలు తమకు అనువైన పార్ట్‌నర్‌ను ఎంచుకునే ముందు సదరు ఇన్ఫ్లుయెన్సర్ టార్గెటెడ్ ఆడియన్స్‌ను కలిగి ఉన్నారో లేదో నిర్ణయించుకోవాలి. ప్రభావితం చేసే అంశాలను పరిగణలోకి తీసుకోవాలి.
బ్రాండ్ గుర్తింపు:
బ్రాండ్‌లపై కంటెంట్ సృష్టికర్తలు కలిగి ఉన్న ప్రధాన ప్రయోజనాల్లో ఒకటి.. వారు ఉపయోగిస్తున్న ప్లాట్‌ఫారమ్‌పై పూర్తి అవగాహన కలిగి ఉండటం. ఇది బ్రాండ్ అవగాహనను పెంచే ప్రభావవంతమైన, ఆకర్షణీయమైన కంటెంట్‌ను రూపొందించడానికి వీలు కల్పిస్తుంది. ఇక ప్రతి ఇన్ఫ్లుయెన్సర్ అనుచరులను ఆకర్షించేందుకు విలక్షణమైన ప్రాతినిధ్య శైలి కలిగి ఉండటం కూడా ప్లస్ అవుతుంది. సమర్ధవంతమైన ప్రెజెంటింగ్, స్టోరీ టెల్లింగ్ టెక్నిక్‌ల ద్వారా తమ ప్రేక్షకులతో సంబంధాలను ఏర్పరచుకోవడంలో ప్రవీణులు.. తమ భాగస్వామి బ్రాండ్ స్టోరీని సులభంగా చెప్పగలరు. దీని ఫలితంగా ప్రజలు బ్రాండ్‌తో త్వరగా సంబంధాన్ని ఏర్పరుచుకోగలరు.
సమగ్ర సమీక్ష.. నమ్మకం :
కంటెంట్ క్రియేటర్స్ ప్రొడక్ట్స్‌కు సంబంధించిన నిష్పాక్షికమైన, ఫెయిర్ రివ్యూస్‌ను అందించడం ఫాలోవర్స్‌ను విశ్వసనీయంగా మారుస్తుంది. అదనంగా ఉత్పత్తి వినియోగం, విలువ, అంచనాల యొక్క సమగ్ర విశ్లేషణను అందిస్తారు. మొత్తంమీద వారు వినియోగదారుల మనసుల్లో తలెత్తే అన్ని కీలక ప్రశ్నలను కవర్ చేస్తూ ప్రొడక్ట్‌కు సంబంధించిన సమగ్ర సమీక్షను అందించడం ద్వారా దాన్ని కొనుగోలు చేసేందుకు వినియోగదారులను ప్రేరేపించడంలో కీలకంగా పనిచేస్తుంది.
భావోద్వేగ ప్రభావం :
వినియోగదారులు కంటెంట్ క్రియేటర్స్ను విశ్వసించేందుకు కారణం వ్యక్తిగత స్థాయిలో వారితో సంబంధం కలిగి ఉండటం. ఈ ఇన్‌ఫ్లుయెన్సర్‌లు టార్గెటెడ్ ఫాలోవర్స్‌తో మరింత సులభంగా, ప్రభావవంతంగా కనెక్ట్ అవ్వడానికి వారి స్థానిక భాష, మాండలికాన్ని ఉపయోగిస్తుంటారు. అందుకే ఒక నిర్దిష్ట ఉత్పత్తిని కొనుగోలు చేసే ముందు, వినియోగదారులు తమకు ఇష్టమైన ఇన్ఫ్లుయెన్సర్ సలహాను పరిగణనలోకి తీసుకుంటారు. ఇది చివరికి వారి ఎంపికలను ప్రభావితం చేస్తుంది. మరోవైపు బ్రాండ్‌లు దీన్ని ఖచ్చితంగా తమ ప్రయోజనం కోసం ఉపయోగించుకోవచ్చు. ఇది లీడ్ జనరేషన్‌ను పెంచడమే కాక వెబ్‌సైట్ ట్రాఫిక్‌ను మెరుగుపరిచి, రాబడిని పెంచుతుంది. బ్రాండ్ అవగాహనను పెంచుతూ కంపెనీని లాభాల్లో నడిపిస్తుంది.
స్థోమత:
కంటెంట్ క్రియేటర్స్ విస్తృత ప్రేక్షకులను ఆకట్టుకునే కంటెంట్‌ను ఉత్పత్తి చేస్తుంటారు. తమను అనుసరించే వ్యక్తులు సులభంగా కొనుగోలు చేయగలిగే నాణ్యమైన ఉత్పత్తులు, సేవలను ఎక్కువగా ప్రమోట్ చేసేందుకు మొగ్గుచూపుతారు. ప్రజలకు సరసమైన ఉత్పత్తులను అందించడం అనేది వారి కొనుగోలు నిర్ణయాలను ప్రేరేపిస్తుంది. బదులుగా సంబంధిత సృష్టికర్తకు మరిన్ని బ్రాండ్స్ భాగస్వామ్యం పొందేలా చేస్తుంది.
క్రియేటర్స్ ఫ్యూచర్
ప్రజలు మరింత డిజిటల్‌గా అధునాతనంగా మారుతున్నారనే వాస్తవం కారణంగా కాలక్రమేణా సోషల్ మీడియా వినియోగంలో గణనీయమైన పెరుగుదల కనిపిస్తోంది. దీని ఫలితంగా కంటెంట్ క్రియేటర్స్ టోటల్ మార్కెటింగ్ ల్యాండ్‌స్కేప్‌ను స్వాధీనం చేసుకునేందుకు దారితీసింది. పరిశ్రమ నిపుణుల అభిప్రాయం ప్రకారం.. ఇన్ఫ్లుయెన్సర్ మార్కెటింగ్ ప్లాట్‌ఫారమ్‌ల మార్కెట్ 2020లో 6 బిలియన్ డాలర్ల నుంచి 2025 నాటికి 32% వార్షిక వృద్ధి రేటుతో 24.1 బిలియన్ డాలర్లకు విస్తరిస్తుంది. వాస్తవానికి ఇన్ఫ్లుయెన్సర్ మార్కెటింగ్ అనేది ప్రజలను నిమగ్నం చేసే వారితో సంబంధాలను ఏర్పరచుకునే వ్యాపారాల ఉనికి. ఉత్పత్తుల విలువ గురించి అవగాహన కల్పించి, కొనుగోలు నిర్ణయాలను ప్రభావితం చేసే ఆవిష్కరణ, సమర్థవంతమైన వ్యూహం. దీని కారణంగా ఎక్కువ సంఖ్యలో బ్రాండ్‌లు తమ ఉత్పత్తులపై కస్టమర్ ఆసక్తిని పెంచడానికి, దీర్ఘకాలిక ప్రయోజనాలను లక్ష్యంగా చేసుకోవడానికి ఇన్ఫ్లుయెన్సర్ సహకారాన్ని పొందడం చూడొచ్చు.
ఇవి కూడా చదవండి
