కింగ్ ను ఫాలో అయిపోతా: లావణ్య
అందాల భామ లావణ్య త్రిపాఠి ప్రస్తుతం బిజీగా ఉంది. అర్జున్ సురవరం సినిమాతో హిట్ అందుకున్న హీరోయిన్… తమిళంలో రెండు సినిమాలకు సైన్ చేసిందట. A1 ఎక్స్ప్రెస్ సినిమాలో హాకీ ప్లేయర్ గా కనిపించబోతున్న లావణ్య… పాత్రల ఎంపిక గురించి తాజాగా ఓ ఇంటర్వ్యూలో మాట్లాడింది.
అందాల రాక్షసి సినిమాతో కెరియర్ లో దూసుకుపోతుంది అనుకున్న లావణ్య… అంచనాలను అందుకోలేక పోయింది. కానీ నాగార్జున హీరోగా వచ్చిన సోగ్గాడే చిన్ని నాయన సినిమాతో మంచి హిట్ అందుకుంది. అయితే ఈ చిత్రాన్ని అయిష్టంగానే ఒప్పుకుందట లావణ్య. నాగార్జున లాంటి సీనియర్ హీరోతో సినిమా చేస్తే … అలాంటి ఛాన్స్ లే వస్తాయని తొందరగా ఫేడ్ అవుట్ అయిపోతావని హెచ్చరించారట. దీంతో భయపడిన అందాల రాక్షసి మనసొప్పక పోయినా సినిమాకు గ్రీన్ సిగ్నల్ ఇచ్చేసిందట. ఇదే విషయాన్ని నాగ్ కు చెప్తే అలాంటి భయాలు ఏమి పెట్టుకోవద్దని చెప్పారట. తర్వాత ఆ సినిమా హిట్ కావడం… అందులో లావణ్య కనిపించిన తీరుకి ప్రశంసలు పొందడం జరిగాయి. దీంతో అప్పటి నుంచి నాగార్జున తన మెంటర్ గా మారిపోయాడని చెప్తోంది. ఒక ప్రాజెక్ట్ కు సైన్ చేసే ముందు నాగార్జున సలహాలు తీసుకుంటానని తెలిపింది.
Tags: Lavanya Tripathi, Nagarjuna, Tollywood, Arjun Suravaram, A1 Express
