కార్తికేయ 'చావు కబురు చల్లగా'

ఆర్‌ఎక్స్ 100‌ సినిమాతో కార్తికేయ యూత్‌లో మంచి క్రేజ్ సంపాదించుకున్నాడు. కానీ, ఆ తర్వాత వచ్చిన సినిమాలు అంతటి విజయాన్నందుకోలేక నిరాశ పర్చాయి. చివరగా విడుదలైన 90 ఎంఎల్ అంచనాలను ఏ మాత్రం అందుకోలేకపోయింది. సరైన హిట్టు కోసం ఎదురు చూస్తున్న కార్తికేయ ‘చావు కబురు చల్లగా’ అనే వెరైటీ టైటిల్‌తో ప్రేక్షకుల మందుకు రాబోతున్నాడు. ఈ సినిమా ఫస్ట్ లుక్ కార్తికేయ మాస్ లుక్‌తో అదిరిపోయింది. గంగమ్మ దీవెనతో బస్తీ బాలరాజుగా సినిమాపై ఇంట్రెస్ట్ క్రియేట్ చేశాడు. కార్తికేయకు జోడిగా లావణ్య త్రిపాఠి నటిస్తోంది. అల్లు అరవింద్ సమర్పణలో గీతా ఆర్ట్స్-2 పతాకంపై బన్ని వాసు నిర్మిస్తున్నాడు. కౌశిక్ పెగల్లపాటి దర్శకత్వంలో ఈ నెల 19 నుంచి రెగ్యులర్ షూటింగ్ ప్రారంభం కానుంది.