కరోనా నుంచి కోలుకుని ఇతరులకు సాయపడ్డాడు

దిశ, వెబ్ డెస్క్: కరోనా వైరస్(కోవిడ్-19) సోకిన ఓ వ్యక్తి పూర్తిగా కోలుకుని, ఆ తర్వాత ఇతరులకు సాయపడిన ఓ సంఘటన అమెరికాలో చోటు చేసుకుంది. ఆ వివరాలేమిటంటే.. కాలిఫోర్నియాకు చెందిన జాసన్ గార్సియా అనే ఓ వ్యక్తి కరోనా బారిన పడ్డాడు. విషయం తెలుసుకుని ఇంట్లోనే చికిత్స తీసుకుని పూర్తిగా కోలుకున్నాడు. కొద్దిరోజుల తర్వాత ఎస్కోబెడో ఆసుపత్రి వారు గార్సియాను సంప్రదించారు. తమ ఆసుపత్రిలో ఓ వ్యక్తి కూడా కరోనాతో బాధపడుతున్నాడని, ప్రస్తుతం అతని పరిస్థితి విషమంగా ఉందని, ఏ మాత్రం కూడా అతను చికిత్సకు స్పందించడంలేదని, అందువల్ల మీరు ప్లాస్మాను అతనికి విరాళంగా ఇచ్చి అతడిని కాపాడాలని కోరారు. వెంటనే అతను ప్లాస్మాను విరాళంగా ఇచ్చేశాడు. దీంతో ఆ వ్యక్తి కూడా కరోనా నుంచి పూర్తిగా కోలుకున్నట్లు సమాచారం.

Tags: Corona, America, California, Treatment, Plasma,