హరితహారం ట్రాక్టర్ బోల్తా

దిశ, నల్లగొండ: హరితహారం ట్రాక్టర్ బోల్తా పడి డ్రైవర్‌కు తీవ్ర గాయాలయ్యాయి. అయితే డ్రైవర్ మైనర్ బాలుడు కావడంతో ఈఘటన తీవ్ర చర్చనీయంశంగా మారింది. ఈ ఘటన సూర్యాపేట జిల్లా మద్దిరాల మండలం కుక్కడంలో చోటుచేసుకుంది. గాయపడ్డ బాలుడిని 108 వాహనంలో సూర్యాపేట ఆసుపత్రికి తరలించారు. గ్రామపంచాయతీ సిబ్బంది నిర్లక్ష్యంతో మైనర్ బాలునికి ట్రాక్టర్ అప్పగించడం వల్ల ఈ ప్రమాదం జరిగిందని గ్రామస్తులు ఆరోపించారు. ఈ ఘటనపై అధికారులు విచారణ జరిపి చర్యలు తీసుకోవాలని కోరారు.