నక్సలైట్లను కలిసిన మాజీ ఎంపీ

దిశ, వెబ్‎డెస్క్: రాజమండ్రిలో నక్సలైట్లను మాజీ ఎంపీ హర్షకుమార్ కలిసి అభినందించారు. కానీ, వారు నిజమైన నక్సల్స్ కాదండి.. ఓ సినిమాలో నక్సలైట్లగా నటిస్తున్నారు. రాజమండ్రికి చెందిన రాజ్‎కుమార్ చీపురు దర్శకత్వంలో ఓ సినిమాను రూపొందిస్తున్నారు. ఇది ఫుల్ లెంగ్త్ యాక్షన్ చిత్రం. మంగళవారం మాజీ ఎంపీ హర్షకుమార్ షూటింగ్ స్పాట్‎కు వెళ్లి క్లాప్ కొట్టి చిత్ర యూనిట్‎ను అభినందించారు. ఈ మూవీ రియాలిస్టిక్‎గా తెరకెక్కిస్తున్నట్లు దర్శకుడు రాజ్‎కుమార్ తెలిపారు. ఈ చిత్రం ముఖ్య ఉద్దేశం ఏపీకి చెందిన నటీనటులు, సాంకేతిక సినిమాను రూపొందించడమమని తెలిపారు. ఈ సినిమాకు హర్షకుమార్ కోడలు అనిత ప్రొడ్యూసర్‎గా వ్యవహరిస్తున్నారు.