సుప్రీం తీర్పును స్వాగతిస్తున్నాం!

ఎవరు ఏ పార్టీకి ఎంత విరాళాన్నైనా అనామకంగా ఇవ్వడానికి కేంద్ర ప్రభుత్వం తీసుకొచ్చిన ఎలక్టోరల్ బాండ్ నిర్ణయం వివాదాస్పదమైంది. ఈ బాండ్ల ద్వారా విరాళాలు ఇచ్చే వారి వివరాలు, డబ్బు స.హ చట్టం ద్వారా కూడా దొరకవు. ఈ నేపథ్యంలో బీజేపీ ప్రభుత్వం తీసుకొచ్చిన ఎలక్టోరల్ బాండ్ పథకం రాజ్యాంగ విరుద్ధమని కొట్టివేస్తూ సర్వోన్నత న్యాయస్థానం ఇచ్చిన తీర్పును సీపీఐ(యమ్-యల్) లిబరేషన్ స్వాగతిస్తుంది. ఎలక్టోరల్ బాండ్‌లు ప్రజాస్వామ్య, రాజ్యాంగ విరుద్ధమైనవి. రాజ్యాంగ విరుద్ధమైన ఎలక్టోరల్ బాండ్ల పథకం ద్వారా జరిగిన కార్పొరేట్ నిధుల వివరాలను ప్రజల ముందుంచడానికి, కార్పొరేట్ శక్తులకు, ఈ పథకం ప్రధాన లబ్దిదారు బీజేపీకి మధ్య ఉన్న అపవిత్ర సయోధ్యను బహిర్గత పరచేలా ఎన్నికల కమిషన్‌ను సుప్రీంకోర్టు ఆదేశించాలని కోరుతున్నాం.

పాలకులను ప్రజలే శిక్షించాలి

2017 నుండి, ఎలక్టోరల్ బాండ్ల ద్వారా రాజకీయ విరాళాలలో సింహభాగాన్ని స్వీకరించిన బీజేపీనే ఈ పథకం ప్రధాన లబ్ధిదారు. ఈ ప్రయోజనం పొందేందుకు, ఎలక్టోరల్ బాండ్‌లు నల్లధనం , ఎన్నికల అవినీతికి ఆజ్యం పోస్తాయనే ఆర్‌బిఐ, ఎన్నికల కమిషన్ హెచ్చరికలను కూడా మోడీ పాలన తోసిపుచ్చింది. ఎలక్టోరల్ బాండ్‌లు భారీ ఎన్నికల అవినీతికి, రాజ్యాంగ తప్పుదోవ పట్టించడానికి, ప్రజాస్వామ్యాన్ని క్షీణింపజేయడానికి తిరుగులేని సాధనంగా మారాయి. రాజ్యాంగ విరుద్ధమైన ఈ పథకాన్ని ప్రయోగించిన పాలకులను ఇప్పుడు ప్రజలే శిక్షించాలి. భారతదేశ ప్రజలు, 2024లో జరగబోయే ఎన్నికలలో కార్పొరేట్-మద్దతుతో ఎలక్టోరల్ బాండ్‌ల ద్వారా అక్రమంగా నిధులు సమకూర్చుకొన్న పాలకులను ఓడించాలి.

- దీపాంకర్ భట్టాచార్య

ప్రధాన కార్యదర్శి,

సీపీఐ (యమ్-యల్) లిబరేషన్