రిజిస్ట్రేషన్ నుంచి టూర్ ప్యాకేజీ వరకు.. చార్ధామ్ యాత్ర వివరాలు..

దిశ, ఫీచర్స్ : ఈ సంవత్సరం అంటే 2024, మే 10 నుండి చార్ధామ్ యాత్ర (గంగోత్రి, యమునోత్రి, కేదార్‌నాథ్, బద్రీనాథ్) ప్రారంభం కానుంది. హిందూ మతంలో, చార్‌ధామ్ ప్రయాణం ప్రజల విశ్వాసంతో కూడుకన్నది. అందుకే ఈ చార్‌ధామ్‌ను సందర్శించడానికి పెద్ద సంఖ్యలో భక్తులు వస్తుంటారు. చాలామంది భక్తులు తమ వృద్ధ తల్లిదండ్రులు చార్‌ధామ్ తీర్థయాత్రలను సందర్శించాలని కోరుకుంటారు. మీరు ఈ సంవత్సరం చార్‌ధామ్ యాత్రను ప్లాన్ చేస్తుంటే, ప్రయాణం నుంచి దర్శనం వరకు మీకు ఎటువంటి ఇబ్బంది కలగకుండా ముందుగానే కొన్ని సన్నాహాలు చేసుకోవడం ముఖ్యం.

హిందూ మతంలో చార్ధామ్ యాత్ర చాలా ముఖ్యమైనదిగా పరిగణిస్తారు. జీవితంలో ఒక్కసారైనా తప్పనిసరిగా చార్ధామ్‌ను సందర్శించాలని అనుకుంటారు. ప్రస్తుతం మీరు కూడా 2024 లో చార్ధామ్ తీర్థయాత్ర చేయబోతున్నట్లయితే, దానికి ముందు మీరు టూర్ ప్యాకేజీ నుండి రిజిస్ట్రేషన్ వరకు ఎలాంటి సన్నాహాలు చేసుకోవాలో తెలుసుకోండి.

IRCTC చార్ధామ్ టూర్ ప్యాకేజీ..

భక్తులకు చార్‌ధామ్ యాత్రను సులభతరం చేయడానికి IRCTC మే 25 నుండి ప్రారంభమయ్యే 'చర్‌ధామ్ యాత్ర ఉత్తరాఖండ్' పేరుతో ఒక టూర్ ప్యాకేజీతో ముందుకు వచ్చింది. ఈ ప్యాకేజీ మధ్యప్రదేశ్ నివాసితులకు మరింత ప్రయోజనకరంగా ఉంటుంది. ఎందుకంటే ఇది భోపాల్ నుంచి ప్రారంభమవుతుంది. ఈ 12 రోజుల టూర్ ప్యాకేజీలో, భక్తులు గంగోత్రి, యమునోత్రి, కేదార్‌నాథ్, బద్రీనాథ్‌లను మాత్రమే కాకుండా బార్‌కోట్, జాంకిచట్టి, ఉత్తరకాశీ, గుప్తేశ్వర్, సోన్‌ప్రయాగ్, హరిద్వార్‌లను కూడా సందర్శించగలరు. ఈ టూర్ ప్యాకేజీలో సందర్శనాతో పాటు, ఆహారం, వసతి ఏర్పాట్లు కూడా ఉన్నాయి. ఈ టూర్ ప్యాకేజీలో ఒక్కొక్కరికి రూ.95,150, ఇద్దరు వ్యక్తులుంటే రూ.62,950, ముగ్గురు ఉంటే రూ.56850 చొప్పున చెల్లించాల్సి ఉంటుంది. 5 నుంచి 11 ఏళ్లలోపు పిల్లలకు రూ.38,650. అదే వయస్సులో ఉన్న పిల్లలకు బెడ్ లేని వారి ఛార్జీ రూ.28,900గా నిర్ణయించారు. మీరు 'Irctc టూరిజం' సైట్‌ని సందర్శించడం ద్వారా ఈ ప్యాకేజీని బుక్ చేసుకోవచ్చు.

ఈ నమోదు అవసరం..

యాత్రికులందరికీ చార్ధామ్ యాత్రకు బయోమెట్రిక్ నమోదు తప్పనిసరి చేశారు. కాబట్టి మీరు ముందుగానే నమోదు చేసుకోవాలి. మీరు ఈ సమాచారాన్ని డెహ్రాడూన్ స్మార్ట్ పోర్టల్ నుండి పొందవచ్చు. ప్రస్తుతం రిజిస్ట్రేషన్లు వేగంగా జరుగుతున్నాయి. మీరు registrationandtouristcare.uk.gov.inని సందర్శించి రిజిస్ట్రేషన్ చేసుకోవచ్చు. ఇందులో మీరు పేరు, మొబైల్ నంబర్, చిరునామా వంటి ముఖ్యమైన వివరాలను అందించాలి.

ఈ పత్రాలను మీ దగ్గర ఉంచుకోవాలి..

చార్‌ధామ్ యాత్ర కోసం ప్యాకింగ్ చేసేటప్పుడు, వెచ్చని బట్టలు, రెయిన్‌కోట్ వంటి వాటిని ప్యాక్ చేసుకోవలి. వాటితో పాటు గుర్తుంచుకోవలసిన ముఖ్యమైన విషయం ఏమిటంటే ఏ పత్రాన్ని వదిలివేయకూడదు. ఆధార్ కార్డ్, పాన్ కార్డ్, పాస్‌పోర్ట్, డ్రైవింగ్ లైసెన్స్ వంటి ముఖ్యమైన పత్రాలను మీ వద్ద ఉంచుకోండి.

చార్ధామ్ ఎలా చేరుకోవాలి..

చార్‌ధామ్ యాత్రను ప్రారంభించడానికి, మీరు మీ నగరం లేదా గ్రామం నుండి రైలు, విమాన లేదా రోడ్డు మార్గంలో డెహ్రాడూన్, రిషికేశ్, హరిద్వార్‌లకు చేరుకోవచ్చు. దీని తరువాత మీరు ఇక్కడ నుండి టాక్సీలు, ప్రైవేట్ బస్సులు మొదలైన వాహనాల ద్వారా ప్రయాణించవచ్చు. సహస్త్రధార హెలిప్యాడ్ (డెహ్రాడూన్ నుండి ఖర్సాలి), గుప్తకాశీ హెలిప్యాడ్ (కేదార్నాథ్, బద్రీనాథ్). దీని కోసం మీరు IRCTC ద్వారా ఆన్‌లైన్ బుకింగ్ కూడా చేసుకోవచ్చు. హెలీ సర్వీసుల ఛార్జీలను కూడా 5 శాతం పెంచినట్లు సమాచారం.