మూసీ ప్రక్షాళనకు ప్రణాళికలు

దిశ, న్యూస్​బ్యూరో: మూసీ నది స్వరూపాన్ని పూర్తిగా మార్చడానికి కావలసిన ప్రణాళికలు సిద్ధం చేస్తున్నామని మూసీ రివర్ డెవలప్​మెంట్ కార్పొరేషన్ ఛైర్మన్ దేవిరెడ్డి సుధీర్‌రెడ్డి తెలిపారు. ఛైర్మన్​ అధ్యక్షతన బుధవారం కార్పొరేషన్​ బోర్డు మీటింగ్ నిర్వహించారు. మూసీ కార్పొరేషన్​ ఎండీగా విశ్వజిత్ కంపాటి, చీఫ్ ఇంజినీర్ మోహన్ నాయక్ నియమకాలకు బోర్డు ఆమోద ముద్ర వేసింది.

అనంతరం దేవిరెడ్డి సుధీర్​‌రెడ్డి మాట్లాడుతూ రానున్నరోజుల్లో మూసీ రూపురేఖలు మార్చుతామన్నారు. మూసీలో వ్యర్థాల తొలగింపు పనులు వేగవంతంగా జరుగుతున్నాయని, ఎలాంటి దుర్గంధం లేకుండా చర్యలు తీసుకుంటామని తెలిపారు. కార్యక్రమంలో జీహెచ్​ఎంసీ కమిషనర్ లోకేష్ కుమార్, అడిషనల్ కమిషనర్ ఆఫ్ పోలీసు (ట్రాఫిక్) అనిల్ కుమార్ పాల్గొన్నారు.