భర్త వేధింపులు భరించలేక గొడ్డలితో నరికి చంపిన భార్య

దిశ, వెబ్‌డెస్క్: అనంతపురం జిల్లా పెద్దముస్తూర్‌లో దారుణ ఘటన చోటుచేసుకుంది. భర్త వేధింపులు భరించలేక భార్య గొడ్డలితో కిరాతకంగా దాడి చేసింది. తీవ్ర గాయాలపాలైన భర్త ఓబులేసు ఆసుపత్రిలో చికిత్స పొందుతూ మృతిచెందాడు. ఈ ఘటన సోమవారం తెల్లవారుజామున చోటుచేసుకుంది. స్థానికుల సమాచారంతో విషయం తెలుసుకున్న పోలీసులు ఘటనా స్థలానికి చేరుకొని సదరు మహిళను అదుపులోకి తీసుకున్నారు. అనంతరం కేసు నమోదు చేసుకొని దర్యాప్తు ప్రారంభించారు. హత్యకు సంబంధించిన పూర్తి వివరాలు తెలియాల్సి ఉంది.