డెహ్రాడూన్‌లో ఘోర రోడ్డు ప్రమాదం.. ఆరుగురు స్పాట్ డెడ్
దిశ, వెబ్ డెస్క్: మంగళవారం తెల్లవారుజామున జరిగిన రోడ్డు ప్రమాదం(Fatal road accident)లో ఆరుగురు అక్కడిక్కడే మృతి చెందారు. ఈ విషాద సంఘటన ఉత్తరాఖండ్(Uttarakhand) రాష్ట్రంలోని డెహ్రాడూన్( Dehradun)లో చోటు చేసుకుంది. అలాగే మరో వ్యక్తికి తీవ్ర గాయాలు కావడంతో హుటాహుటిన స్థానిక ఆసుపత్రికి తరలించి చికిత్స అందిస్తున్నారు. కాగా ఈ ప్రమాదం రాత్రి 2 గంటల సమయంలో ONGC కూడలి సమీపంలో చోటు చేసుకున్నట్లు డెహ్రాడూన్ SP సిటీ ప్రమోద్ కుమార్ తెలిపారు. మృతులు ప్రయాణిస్తున్న ఇన్నోవా కారును కంటైనర్(container) బలంగా ఢీకొట్టడంతో ఈ ప్రమాదం చోటు చేసుకుందని.. కంటైనర్ డ్రైవర్ ను అరెస్ట్ చేశామని తెలిపారు. ఈ ప్రమాదంలో ముగ్గురు బాలురు, ముగ్గురు బాలికలు మృతి చెందగా, ఒక బాలుడి పరిస్థితి విషమంగా ఉండడంతో ఆస్పత్రిలో చికిత్స అందిస్తున్నామని, ఏడుగురు అబ్బాయిలు, అమ్మాయిలు కలిసి కారులో వెళ్తున్న క్రమంలో ఈ ప్రమాదం చోటు చేసుకుందని.. మృతుల వయస్సు 25 ఏళ్ల లోపు ఉంటుందని SP సిటీ ప్రమోద్ కుమార్ చెప్పారు.
