అలర్ట్: ఈ ప్రదేశాలలో నొప్పిగా ఉందా.. అయితే మీ మూత్రపిండాలు కరాబ్ అయినట్లే

దిశ, వెబ్‌డెస్క్: మూత్రపిండాలు శరీరంలోని ముఖ్యమైన అవయవాలు.. ఇవి శరీరం నుంచి మురికిని తొలగించి రక్తాన్ని శుభ్రపరచడానికి పనిచేస్తాయి. కానీ మూత్రపిండాలలో ఏదైనా సమస్య ఉన్నప్పుడు, అది శరీరంలోని ఇతర భాగాలలో నొప్పిగా వ్యక్తమవుతుంది. కావున ఇలాంటి విషయాలపై అవగాహనతో ఉండటం ముఖ్యం. అయితే మూత్రపిండాలు దెబ్బతిన్నప్పుడు శరీరంలోని ఈ 5 ప్రదేశాలలో నొప్పి వస్తుంది.. అవేంటో తెలుసుకుందాం..

నడుము ప్రాంతంలో..

మూత్రపిండాల్లో సమస్య వచ్చినప్పుడు, మొదటి నొప్పి నడుములో కలుగుతుంది. ఈ నొప్పి సాధారణంగా పక్కటెముకల కింద.. మూత్రపిండాలు ఉన్న నడుము దిగువ భాగంలో సంభవిస్తుంది. మూత్రపిండాలలో వాపు లేదా ఏదైనా సమస్య ఉంటే, ఈ నొప్పి చాలా తీవ్రంగా మారుతుంది.

నడుము (సైడ్స్) పక్క ప్రాంతాల్లో..

మూత్రపిండంలో వాపు లేదా రాళ్ల సమస్య ఉంటే, ప్రక్కల కూడా నొప్పి అనిపించవచ్చు. ఈ నొప్పి శరీరం.. రెండు వైపులా పక్కటెముకల చుట్టూ వ్యాపిస్తుంది. మూత్రపిండాలలో తీవ్రమైన సమస్య ఉంటే, ఈ నొప్పి శరీరంలోని ఒకటి కంటే ఎక్కువ భాగాలకు వ్యాపిస్తుంది.

కడుపు ప్రాంతంలో..

మూత్రపిండాలలో ఏదైనా సమస్య కారణంగా.. కడుపు నొప్పి కూడా రావొచ్చు.. మూత్రపిండాల పనితీరు ప్రభావితమైతే లేదా వాపు ఉంటే, తీవ్రమైన కడుపు నొప్పిని అనుభవించవచ్చు. ఈ నొప్పి కొన్నిసార్లు మూత్రపిండాల వైఫల్యానికి సంకేతం కూడా కావచ్చు..

వృషణాల్లో నొప్పి..

మూత్రపిండాల్లో రాళ్లు ఉంటే, నొప్పి కొన్నిసార్లు వృషణాల ప్రాంతానికి వ్యాపిస్తుంది. ఈ నొప్పి తీవ్రంగా ఉంటుంది, ముఖ్యంగా రాయి మూత్ర నాళంలో ప్రయాణిస్తున్నప్పుడు.. ఈ నొప్పి మరింత తీవ్రమవుతుంది..

తొడ ప్రాంతంలో నొప్పి..

మూత్రపిండాల సమస్యల వల్ల కలిగే నొప్పి తొడలకు వ్యాపించవచ్చు. ఈ నొప్పి ముఖ్యంగా రాయి లేదా ఇన్ఫెక్షన్ వల్ల వస్తుంది. మూత్రపిండాల్లో రాళ్లు ఉంటే, నొప్పి తొడ ప్రాంతంతో సహా దిగువ శరీరానికి వ్యాపిస్తుంది.

నోట్: పై వార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహన కోసం మాత్రమే దీనిని అందిస్తున్నాం. నిర్ధారణలు, పర్యవసనాలకు సంబంధించి ‘దిశ’ ఎటువంటి బాధ్యత వహించదు. అనుమానాలు ఉంటే నిపుణులను సంప్రదించడం ఉత్తమం.