Megastar Chiranjeevi: మెగాస్టార్ చిరంజీవితో జతకట్టనున్న స్టార్ హీరో వైఫ్.. త్వరలో అఫీషియల్ అనౌన్స్‌మెంట్!
దిశ, సినిమా: మెగాస్టార్ చిరంజీవి (Megastar Chiranjeevi) ప్రజెంట్ ‘విశ్వంభర’ (Vishvambhara) చిత్రంతో బిజీగా ఉన్నాడు. ఎంతో ప్రతిష్టాత్మకంగా విజువల్ వండర్‌గా తెరకెక్కుతోన్న ఈ మూవీకి వశిష్ట (Vasishta) దర్శకత్వం వహిస్తున్నాడు. యూవీ క్రియేషన్స్ నిర్మిస్తున్న ఈ చిత్రంలో త్రిష హీరోయిన్‌గా నటిస్తుంది. ప్రస్తుతం షూటింగ్ శరవేగంగా జరుపుకోంటున్న ఈ చిత్రాన్ని వీలైనంత తొందరగా ప్రేక్షకుల ముందుకు తీసుకొచ్చేందుకు ప్లాన్ చేస్తున్నారు చిత్ర బృందం. ఇక ఈ సినిమా అనంతరం.. యంగ్ డైరెక్టర్ శ్రీకాంత్ ఓదెల(Srikanth Odela)తో ఓ సినిమా చేయబోతున్నారు మెగాస్టార్.
అలాగే.. రీసెంట్‌గా ‘సంక్రాంతికి వస్తున్నాం’ సినిమాతో బ్లాక్ బస్టర్ హిట్ అందుకున్న అనిల్ రావిపూడి (Anil Ravipudi) డైరెక్షన్‌లో కూడా మరో మూవీ చేయబోతున్నట్లు తెలుస్తోంది. ఇప్పటి వరకు ఈ సినిమాపై ఎలాంటి అప్‌డేట్ రానప్పటికీ.. తాజాగా మాత్రం ఓ ఇంట్రెస్టింగ్ బజ్ (Interesting buzz) నెట్టింట చక్కర్లు కొడుతోంది. ఈ సినిమాలో హీరోయిన్‌గా అదితిరావు హైదరీ(Aditi Rao Hydari)ని ఫిక్స్ చేశారట మేకర్స్. ఈ బ్యూటీ తెలుగులో సమ్మోహనం, మహాసముద్రం లాంటి సినిమాలతో క్రేజ్ తెచ్చుకుంది. అలాగే తమిళ్‌లోనూ సినిమాలు చేసి మెప్పించింది. ఇక హీరో సిద్దార్థ్‌ను ఈ భామ పెళ్లి చేసుకున్న విషయం తెలిసిందే. ఇక పెళ్లి తర్వాత అదితిరావు సినిమాలు అనౌన్స్ చెయ్యలేదు. ఇప్పుడు ఏకంగా మెగస్టార్ చిరంజీవి మూవీలో నటిస్తుందని టాక్ వినిపిస్తుంది. అలాగే దీనిపై త్వరలోనే అఫీషియల్ అనౌన్స్‌మెంట్ రానున్నట్లు సమాచారం.
