Vignesh: చిన్న చిత్రాలకు దొరికిన అద్భుతమైన వరం: విఘ్నేశ్
దిశ, సినిమా: సదన్ హీరోగా, ప్రియాంక ప్రసాద్(Priyanka Prasad) హీరోయిన్‌గా, డైలాగ్ కింగ్ సాయి కుమార్(Sai Kumar) ముఖ్య పాత్రలో రాబోతోన్న చిత్రం ‘ప్రణయ గోదారి’(Pranaya Godari). పిఎల్ విఘ్నేష్(Vignesh) దర్శకత్వంలో రూపొందిన ఈ మూవీని పిఎల్‌వి క్రియేషన్స్‌పై పారమళ్ళ లింగయ్య నిర్మించారు. అయితే ఈ సినిమా డిసెంబర్ 13న రిలీజ్ కాబోతోంది. ఈ క్రమంలో.. తాజాగా, ప్రీ రిలీజ్ ఈవెంట్ నిర్వహించారు. ఈ కార్యక్రమానికి ఎమ్మెల్సీ తీన్మార్ మల్లన్న, ప్రముఖ నిర్మాత రాజ్ కందుకూరి, హీరో సోహెల్(Sohel) ముఖ్య అతిథులుగా విచ్చేశారు. ఇందులో భాగంగా.. దర్శక, నిర్మాత విఘ్నేశ్ మాట్లాడుతూ.. ‘‘మా ఈవెంట్‌కు వచ్చిన తీన్మార్ మల్లన్న, రాజ్ కందుకూరి, సోహెల్ గార్లకు థాంక్స్.
నేను ఎంతో కష్టపడి ఈ చిత్రాన్ని నిర్మించాను. ఆస్తులన్నీ అమ్ముకున్నా. అప్పులు తెచ్చి మరీ సినిమాను తీశాను. నా అన్న మార్కండేయ (Markandeya)కోసం ఈ మూవీని చేశాను. మా అన్న మంచి పాటలు, ఆర్ఆర్ ఇవ్వగా.. ప్రసాద్ మంచి విజువల్స్ ఇచ్చారు. చాలా కష్టపడి చిత్రాన్ని అయితే తీశాను. కానీ రిలీజ్ చేయడానికి చాలా కష్టపడ్డాను. మళ్లీ అప్పు చేశాను. సినిమా తీయడం, రిలీజ్ చేయడం అంటే మామూలు విషయం కాదు. ఆ సంగతి నాకు ఇప్పుడు అర్థమైంది. పి.ఆర్.ఓ. సాయి సతీష్(Sai Satish) చిన్న చిత్రాలకు దొరికిన అద్భుతమైన వరం. ఆయన వల్లే ఈ చిత్రం ఇక్కడి వరకు వచ్చింది. డిస్ట్రిబ్యూటర్లు కూడా ముందుకు వచ్చి మా సినిమాకు థియేటర్లు ఇస్తామని అన్నారు. ‘ప్రణయ గోదారి’ డిసెంబర్ 13న రాబోతోంది. అందరూ వచ్చి చూసి సక్సెస్ చేయండి’’ అని అన్నారు.
