Higher FD Rates: ఈ బ్యాంకుల్లో వడ్డీ ఎంతో మేలు.. రూ.10 లక్షలు పెట్టుబడి పెడితే ఎంత రిటర్న్ వస్తుందో తెలుసా?
దిశ, వెబ్ డెస్క్ : Higher FD Rates: బ్యాంక్ ఫిక్స్డ్ డిపాజిట్లు అనేవి ఎలాంటి రిస్క్ లేకుండా స్థిరమైన రిటర్న్స్ అందించే పెట్టుబడి ఎంపికలుగా ఉన్న విషయం తెలిసిందే. చాలా బ్యాంకులు ఆకర్షణీయ స్థాయిలో వడ్డీరేట్లను ఆఫర్ చేస్తున్నాయి. ఎక్కువగా స్మాల్ ఫైనాన్స్ బ్యాంకులు అధిక వడ్డీ రేటును అందిస్తున్నాయి. వీటిల్లో రూ. 10లక్షల జమ చేసినట్లయితే మెచ్యూరిటీ కింద ఎంత రిటర్న్స్ వస్తాయో ఇప్పుడు తెలుసుకుందాం.
పెట్టుబడిదారులు ఎలాంటి రిస్క్ లేకుండా ఇన్వెస్ట్ చేసేందుకు ఆసక్తి చూపిస్తుంటారు. అందుకే బ్యాంకుల్లో అందుబాటులో ఉండే ఫిక్స్డ్ డిపాజిట్లు మంచి ఎంపిక అని చెప్పవచ్చు. లాంగ్ టర్మ్ ఇన్వెస్ట్ మెంట్ ఆప్షన్స్ కూడా ఇవి బాగుంటాయి. వీటిల్లో ఎలాంటి రిస్క్ ఫ్యాక్టర్ కూడా ఉండదు. నిర్ణీత కాలానికిగానూ, నిర్దిష్ట వడ్డీ రేట్ల ప్రకారం..స్థిరంగా రిటర్న్స్ అందుకోవచ్చు. ప్రస్తుతం ఆర్బిఐ రెపో రేటును గరిష్ట స్థాయిల వద్ద ఉంచిన క్రమంలో..చాలా బ్యాంకులు కూడా డిపాజిట్లపై మంచి వడ్డీ రేట్లను అందిస్తున్నాయి. అయితే పబ్లిక్, ప్రైవేట్ బ్యాంకుల విషయానికొస్తే...వడ్డీ రేట్లు కాస్త ఎక్కువగా అందిస్తుంటాయి. ఇక్కడ మాత్రం డబ్బులు పూర్తి సురక్షితమని చెప్పలేము. కానీ రూ. 5లక్షల వరకు క్రెడిట్ గ్యారెంటీ స్కీమ్ కింద మాత్రం భద్రత ఉంటుంది. ఇప్పుడు ఏయే బ్యాంకుల్లో డిపాజిట్లపై ఏయే టెన్యూర్స్ పై అధిక వడ్డీ వస్తుందన్న విషయాన్ని ఇప్పుడు తెలుసుకుందాం. రూ. 10లక్షలు డిపాజిట్ చేసినట్లయితే గరిష్ట కాలవ్యవధిపై మెచ్యూరిటీ సమయంలో ఎంత రిటర్న్స్ వస్తాయనేది కూడా చూద్దాం.
అన్నీ రెగ్యులర్ సిటిజన్స్ గురించి తెలుసుకుందాం. వీరి కంటే సీనియర్ సిటిజన్లకు దాదాపు 50 బేసిస్ పాయింట్స్ మేర అధిక వడ్డీ లభిస్తుంది. ప్రస్తుతం నార్త్ ఈస్ట్ స్మాల్ ఫైనాన్స్ బ్యాంకులో 546-1111 రోజుల ఎఫ్డీపై 9శాతం వడ్డీ రేటు ఉంది. గరిష్ట టెన్యూర్ పై అంటే 1111 రోజులకు రూ. 10లక్షల డిపాజిట్ పై రూ. 2, 73, 923 వడ్డీ అందిస్తుంది. యూనిటీ స్మాల్ ఫైనాన్స్ బ్యాంకు అయితే 1001 రోజుల ప్రత్యేక టెన్యూర్ పై 9శాతం వరకు వడ్డీ ఆఫర్ చేస్తుంది. అంటే రూ. 10లక్షలపై రూ. 2,47, 561 వడ్డీ అందిస్తుంది.
ఇక సూర్యోదయ స్మాల్ ఫైనాన్స్ బ్యాంకులో 2నుంచి 3ఏళ్ల వ్యవధిపై 8.60శాతం వడ్డీ రేటు ఉండగా..మూడేళ్లలో రూ. 10లక్షలకుపైగానే రూ. 2,53,986 వడ్డీ రేటు వస్తుంది. జనస్మాల్ ఫైనాన్స్ బ్యాంకులో 1 నుంచి 3ఏళ్ల వ్యవధికి 8.25శాతం వడ్డీ రేటు అందిస్తోంది. ఇక్కడ 10 లక్షలు జమ చేస్తే 3ఏళ్లకు రూ. 2,43, 663 వడ్డీ అందిస్తుంది.
అటు ప్రభుత్వ రంగ బ్యాంకులు అయితే సెంట్రల్ బ్యాంక్ ఆఫ్ ఇండియా 1111 లేదా 3333 రోజుల డిపాజిట్లపై 7.50శాతం, 3333రోజులకు రూ. 10లక్షలపై రూ. 6,85,059 వడ్డీ అందిస్తుంది. బ్యాంక్ ఆఫ్ మహారాష్ట్రలో 366 రోజులకు చూసినట్లయితే 7.45శాతం వడ్డీరేటు అందిస్తుంది. ఇక్కడ 10లక్షలకు రూ. 74,701 వడ్డీ అందిస్తుంది. బంధన్ బ్యాంకు 8.05శాతం, హెచ్డీఎఫ్ సీ బ్యాంకు 7.40శాతం, ఐసీఐసీఐ బ్యాంకు 7.25శాతం వడ్డీ రేటును అందిస్తుంది.
Read More : Bank Account: బ్యాంక్ ఖాతాదారులకు అలెర్ట్.. RBI కీలక ప్రకటన
