Meta CEO: భార్యకు మార్క్ జుకర్ బర్గ్ స్పెషల్ గిఫ్ట్
దిశ, డైనమిక్ బ్యూరో: భార్యపై ఉన్న ప్రేమతో మార్క్ జుకర్ బర్గ్ స్పెషల్ గిఫ్ట్ ఇచ్చాడు.భార్యపై ఉన్న ప్రేమతో మార్క్ జుకర్ బర్గ్ స్పెషల్ గిఫ్ట్ ఇచ్చాడు. అరుదైన సైకత శిల్పాన్ని చేయించి పెరట్లో ఉంచాడు. దీనికి సంబందించిన ఫోటోలను ఆయన సోషల్ మీడియా వేదికగా అభిమానులతో పంచుకున్నాడు. టెక్ దిగ్గజం, మెటా సీఈఓ మార్క్ జుకర్ బర్గ్ ఎంత బిజీగా ఉన్నా ఫ్యామిలీ కోసం ప్రత్యేకంగా సమయం కేటాయిస్తుంటారు. భార్యపిల్లలతో కలిసి సరదాగా గడుపుతూ.. ఆ ఫోటోలను నెట్టింట షేర్ చేస్తుంటారు. ఈ నేపధ్యంలోనే మార్క్ తన భార్య ప్రిన్సిల్లా ఛాన్ పై ప్రేమను కనబరుస్తూ.. ఓ స్పెషల్ గిఫ్ట్ ఇచ్చారు.
ఆమె శిల్పాన్ని తయారు చేయించి తమ ఇంటి పెరట్లో ఆవిష్యరింపజేశారు. ఈ శిల్పం నీలి రంగులో ఉండి.. దానిపై వెండి రంగులో వస్త్రం పరిచినట్లుగా ఉంది. మార్క్ జుకర్ బర్గ్ ఈ విగ్రహం పక్కన ప్రిన్సిల్లా ఛాన్ నిలబడి ఉన్న ఫోటోను ఇన్ స్టాగ్రామ్ ద్వారా పంచుకున్నారు. ఈ పోస్ట్ పై భార్య శిల్పాన్ని చెక్కే రోమన్ సాంప్రదాయాన్ని తిరిగి తీసుకొచ్చాం అని, దాని రూపకర్త అయిన డేనియల్ అర్షమ్ కు ప్రత్యేక కృతజ్ఞతలు అంటూ రాసుకొచ్చారు. దీనిపై ఆమె భార్య ప్రిన్సిల్లా స్పందిస్తూ.. ఇకపై మీరు నన్ను మిస్ కాలేరు అని ఫన్నీ కామెంట్ పెట్టింది. ఈ ఫోటోలపై నెటిజన్లు స్పందిస్తూ.. ఇంత అద్భుతమైన శిల్పాన్ని భార్యకు గిఫ్ట్ ఇచ్చినందుకు మార్క్ ను మెచ్చుకుంటున్నారు.
