BiggBoss7: పవరాస్త్ర పోగొట్టుకున్న సందీప్.. కట్టలు తెంచుకున్న టేస్టీ తేజ కోపం

దిశ, వెబ్‌డెస్క్: రియాలిటీ షో బిగ్ బాస్ సీజన్-7 ప్రస్తుతం రసవత్తరంగా సాగుతుంది. ఒక వారం పూర్తి చేసుకుని రెండో వారంలోకి ఎంట్రీ ఇచ్చిన హౌస్ మేట్స్.. బిగ్ బాస్ పెట్టే టాస్క్‌లో తమ సత్తా చూపించుకునేందుకు సిద్ధంగా ఉన్నారు. ఈ క్రమంలోనే ఈవారం ‘మాయ అస్త్ర’ అనే టాస్క్ ఇచ్చారు పెద్దాయన. ఇందులో భాగంలో హౌస్ మేట్స్‌ను రణధీర, మహాబలి అని రెండు టీంల కింద విభజించి పోటీ పెట్టాడు బిగ్‌బాస్. ఈ పోటీకి సంచాలకుడిగా ఆట సందీప్‌ను ఎంపిక చేశారు. ఇక ఈ పోటిలో రణధీర టీం (శివాజీ, అమర్ దీప్, ప్రిన్స్, ప్రియాంక, శోభాశెట్టి, షకిలా) గెలిచారు. అయితే.. రణధీర టీం మాయ అస్త్ర టాస్క్‌లో బాగంగా.. కీ ను సొంతం చేసుకుంటారు. ఈ కీ ను దొంగతనం చేసేందుకు ప్లాన్ చేస్తారు మహాబలి (రతిక, శుభశ్రీ, గౌతమ్, తేజ, దామిని, ప్రశాంత్) టీం.

అయితే రణధీర టీం గెలుచుకున్న కీ బద్రంగా దాచిపెట్టుకోవడంతో.. ఆట సందీప్ పవరాస్త్రాను దొంగలిస్తుంది శుభ శ్రీ. ఇక టీం మొత్తం ఏకం అయ్యి సందీప్ పవరాస్త్రను దాచేస్తారు. దీంతో హౌస్‌లో గందరగోళం స్టార్ట్ అవుతోంది. పవరాస్త్రని కొట్టేసింది శుభ శ్రీ అని మహాబలి టీం సభ్యులందరికీ తెలుసు. కానీ తమకి ఏమీ తెలియనట్టుగా ఎవరికి వారు సైలెంట్‌గా ఉన్నారు. దీంతో ఆట సందీప్.. ఓ రేంజ్‌లో ఫైర్ అవుతున్నాడు తాజా ప్రోమోలో. ఇది కరెక్ట్ కాదు.. మరీ ఇంత ఛీప్ మెంటాలిటీ అనుకోలేదంటూ సందీప్ సీరియస్ కావడంతో.. ఛీపూ గీపు అనొద్దంటూ రెచ్చిపోతాడు టేస్టీ తేజ. మహాబలి టీం సభ్యులే తీసి ఉంటారని శోభాశెట్టి అనడంతో.. ‘సెన్స్ ఉండి మాట్లాడు.. తెలియకుండా బ్లేమ్ చేయకు’ అని రతిక అంటుంది. ఇక అందరూ కలిసి ఇల్లు మొత్తం వెతుకుతారు. ఇక ఎంత వెతికినా దొరక్కపోవడంతో.. ఏంటి బిగ్ బాస్ ఇది ‘నా రూంలోకి రావడానికి వాళ్లకి పర్మిషన్ లేదు.. నా పర్మిషన్ లేకుండా వాళ్లు హౌస్‌లోకి ఎలా వస్తారు? ఇది న్యాయం కాదు’ అంటూ బిగ్ బాస్‌తో తన ఆవేదన చెప్పుకుంటాడు సందీప్.