Rajahmundry: ములాఖత్‌లో కుటుంబానికి చంద్రబాబు కీలక సూచనలు

దిశ, వెబ్ డెస్క్: రాజమండ్రి జైలులో చంద్రబాబుతో కుటుంబం ములాఖత్ అయింది. నారా భువనేశ్వరి, బ్రాహ్మణితో పాటు ఎమ్మెల్యే పయ్యావుల కేశవ్ చంద్రబాబును కలిశారు. తాజా పరిణాలు, పార్టీ వ్యవహారాలపై చర్చించారు. ప్రజా సమస్యలపై పోరాటం చేయాలని ఈ సందర్భంగా పయ్యావులకు చంద్రబాబు సూచించారు. అలాగే కృష్ణా జలాల వాటాల విషయంలో రాష్ట్రానికి అన్యాయం జరగకుండా పోరాటం చేయాలని చెప్పారు. ఇక ములాఖత్ అనంతరం పయ్యావుల కేశవ్ మీడియాతో మాట్లాడుతూ చంద్రబాబు జైల్లో ఉన్నారే గాని ఆయన ఆలోచన అంతా ప్రజలేనని చెప్పారు. చంద్రబాబు చాలా స్ట్రాంగ్ మేన్ అని.. జైల్లో ఆయన ధైర్యంగా ఉన్నారని పయ్యావుల తెలిపారు. ప్రభుత్వ ఇరిగేషన్ వైఫల్యాలపై ప్రశ్నించినందుకే అధికార పార్టీ తమపై కక్ష గట్టిందని మండిపడ్డారు. చంద్రబాబు అరెస్ట్ ముమ్మాటికీ రాజకీయ కుట్రేనని పయ్యావుల వ్యాఖ్యానించారు.