చంద్రబాబుకు మధ్యంతర బెయిల్‌పై దగ్గుబాటి పురంధేశ్వరి రియాక్షన్
దిశ, డైనమిక్ బ్యూరో : స్కిల్ స్కాం కేసులో టీడీపీ అధినేత చంద్రబాబు నాయుడుకు ఊరట లభించిన సంగతి తెలిసిందే. చంద్రబాబు నాయుడు ఆరోగ్య పరిస్థితుల దృష్ట్యా నాలుగు వారాలపాటు షరతులతో కూడిన మధ్యంతర బెయిల్ మంజూరు చేసిన సంగతి తెలిసిందే. అయితే చంద్రబాబు నాయుడుకు ఏపీ హైకోర్టు మధ్యంతర బెయిల్ మంజూరు చేయడంపై ఏపీ బీజేపీ చీఫ్, వదిన దగ్గుబాటి పురంధేశ్వరి స్పందించారు. చంద్రబాబుకు బెయిల్ రావడాన్ని స్వాగతిస్తున్నట్లు వెల్లడించారు. చంద్రబాబును అరెస్ట్ చేసిన విధానాన్ని తాము తప్పు పట్టామని గుర్తు చేశారు. నోటీసులివ్వకుండా, విచారణ జరపకుండా అరెస్ట్ చేసిన విధానాన్ని తాము గతంలోనే తప్పు పట్టామని దగ్గుబాటి పురంధేశ్వరి ప్రత్యేకంగా చెప్పుకొచ్చారు. ఎఫ్‌ఐఆర్‌లో పేరు లేకుండానే అరెస్ట్ చేసిన విధానం కూడా కరెక్ట్ కాదని ఏపీ బీజేపీ చీఫ్ దగ్గుబాటి పురంధేశ్వరి అన్నారు.
Also Read..
చంద్రబాబుకు బెయిల్ రావడంపై నారా భువనేశ్వరి రియాక్షన్.. ఏమన్నారంటే..?
