తిరుప‌తి జిల్లాలో దారుణం.. నిజగురు మఠం స్వామీజీపై దాడి
దిశ, వెబ్ డెస్క్: తిరుప‌తి జిల్లా(Tirupati District)లో దారుణం జరిగింది. చంద్రగిరి మండ‌లం నాగయ్యగారిపల్లిలో దుండగులు రెచ్చిపోయారు. నిజగురు మఠం స్వామిజీ(Nizaguru Math Swamiji)పై దాడి చేశారు. దీంతో ఆయన్ను ఆస్పత్రికి తరలించారు. అయితే తనపై ఏపీ అర్బన్ డెవలప్మెంట్ ఫైనాన్స్ అండ్ ఇన్ఫ్రాస్ట్రక్చర్ కార్పొరేషన్(AP Urban Development Finance and Infrastructure Corporation) డైరెక్టర్ ఊక విజయ్‌కుమార్(Oka Vijaykumar) అనుచరులు దాడి చేశారని స్వామీజీ తెలిపారు. మామిడి తోట కోసం రోడ్డును ధ్వంసం చేసి మట్టి తరలిస్తున్నారని, ఎందుకు నాశనం చేస్తున్నారని ప్రశ్నిస్తే కర్రలు, రాళ్లతో దాడి చేశారని వాపోయారు. దీంతో స్థానిక స్వామిజీలు ఆగ్రహం వ్యక్తం చేశారు. నిందితులపై చర్యలు తీసుకోవాలని డిమాండ్ చేశారు. నిజగురు మఠం స్వామిజీపై జరిగిన దాడిని ప్రభుత్వం దృష్టికి తీసుకెళ్తామని హెచ్చరించారు.
